હિમાચલપ્રદેશ
હિમાચલ પ્રદેશની ૬૮ વિધાનસભા બેઠકો માટે મતદાનનો સમય સાંજે ૫ વાગ્યે સમાપ્ત થઈ ગયો છે. આ પછી પણ, કુલ્લુના મનાલી અને કાંગડા સહિત ઘણા જિલ્લાઓમાં મતદાન મથકો પર મતદારો કતારમાં ઉભા છે. તે જ સમયે, સાંજે ૫ વાગ્યા સુધી ૬૫.૫૦% મતદાન થયું છે. ચૂંટણી પંચે કહ્યું કે સાંજે ૫ વાગ્યા સુધી હિમાચલ પ્રદેશના સિરમૌરમાં સૌથી વધુ ૬૯.૬૭ ટકા મતદાન નોંધાયું હતું. તે જ સમયે, કિન્નૌરમાં સૌથી ઓછા લોકોએ તેમના મતનો ઉપયોગ કર્યો હતો, જ્યાં ૬૨ ટકા મતદાન થયું હતું. હિમાચલ પ્રદેશમાં ૬૮ બેઠકો માટે મતદાન ચાલી રહ્યું છે. મોટી સંખ્યામાં લોકો મતદાન કરવા આવી રહ્યા છે. ચૂંટણી પંચ દ્વારા જાહેર કરવામાં આવેલા આંકડા મુજબ સાંજ સુધીમાં ૬૫.૫૦ ટકા મતદાન થયું છે. હિમાચલ પ્રદેશ વિધાનસભા ચૂંટણી માટે મતદાન પૂર્ણ થયું છે. આ ચૂંટણી મેદાનમાં અથાગ પ્રયાસ કરી રહેલા ૪૧૨ ઉમેદવારોનું ભાવિ ઈવીએમમાં કેદ થઈ ગયું છે. હવે ૮મી ડિસેમ્બરે મતગણતરી થતાં જ સ્પષ્ટ થશે કે કોંગ્રેસ આ ચૂંટણીમાં ભાજપને હરાવીને સત્તા કબજે કરી શકશે કે પછી ભગવા પક્ષ પોતાના દાવા પ્રમાણે આ પહાડી રાજ્યમાં રીતરિવાજાે બદલશે. મનાલી વિધાનસભા ક્ષેત્રમાં મતદાનને લઈને લોકોમાં ભારે ઉત્સાહ જાેવા મળી રહ્યો છે. બપોરે ૩ વાગ્યા સુધી ૬૪% મતદાન થયું હતું. મનાલી શહેર કરતાં ગ્રામીણ વિસ્તારોમાં મતદાનને લઈને લોકોમાં વધુ ઉત્સાહ જાેવા મળી રહ્યો છે. શહેરમાં અત્યાર સુધીમાં ૫૦ ટકા મતદાન થયું છે, જ્યારે ગ્રામ્ય વિસ્તારોમાં અત્યાર સુધીમાં ૬૫ ટકા મતદાન નોંધાયું છે. હિમાચલમાં મતદારોના ઉત્સાહનો અંદાજ એ વાત પરથી લગાવી શકાય છે કે એક તરફ લોકો બરફ પર ચાલીને વોટ આપવા જઈ રહ્યા હતા તો બીજી તરફ મોટી સંખ્યામાં લોકો વિશ્વના સૌથી ઊંચા મતદાન મથક તાશિગાંગમાં ૫૨ માંથી ૫૧ મતદારોએ મતદાન કર્યું. અહીં ૯૯ ટકા મતદાન થયું છે. મતદાનની વચ્ચે હિમાચલ કોંગ્રેસ ચૂંટણી પંચ સુધી પહોંચ્યો છે. તેમણે ફરિયાદ કરી હતી કે ભાજપના આઈટી સેલ દ્વારા નકલી સર્વે રિપોર્ટ ફરતો કરવામાં આવ્યો છે. જે આચારસંહિતાનો ભંગ છે. ભાજપ વોટિંગ હાઈજેક કરવાનો પ્રયાસ કરી રહી છે. આ સિવાય હિમાચલના પ્રભારી રાજીવ શુક્લા તરફથી કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેના નામે લખવામાં આવેલ નકલી પત્ર પણ વાયરલ કરવાનો આરોપ લગાવવામાં આવ્યો છે. જેમાં ભાજપને વધુ અને કોંગ્રેસને ઓછી બેઠકો મળવાની વાત લખવામાં આવી છે. સમગ્ર હિમાચલમાંથી ૪૧૨ ઉમેદવારો મેદાનમાં છે. રાજ્યના લગભગ ૫૬ લાખ મતદારો તેમના ભાવિનો ર્નિણય કરશે. જેમાં ૨૮ લાખ ૫૪ હજાર ૯૪૫ પુરૂષ, ૨૭ લાખ ૩૭ હજાર ૮૪૫ મહિલા અને ૩૮ થર્ડ જેન્ડર વોટર છે. ૮મી ડિસેમ્બરે મતગણતરી હાથ ધરાશે. ૨૦૧૭માં રાજ્યમાં ૭૫.૫૭% મતદાન થયું હતું.
