કેરળ સરકારે આગામી બે રવિવાર સંપૂર્ણ લોકડાઉન જાહેર કર્યું

કેરળ
કેન્દ્ર સરકારની નવી ગાઈડલાઈન બાદ મૃતકોની યાદીમાં ૩૦૯ લોકોના નામ જાેડાઈ ગયા છે. જે બાદ કુલ મૃત્યુઆંક ૫૧,૫૦૧ પર પહોંચી ગયો છે. કેરળમાં ઓમિક્રોનના ૬૨ નવા કેસ પણ નોંધાયા છે, જે બાદ રાજ્યમાં ઓમિક્રોનથી સંક્રમિત લોકોની સંખ્યા ૭૦૭ પર પહોંચી ગઈ છે. તિરુવનંતપુરમમાં સૌથી વધુ ૯,૭૨૦ કેસ નોંધાયા છે. તે પછી એર્નાકુલમ, કોઝિકોડ, થ્રિસુર, કોટ્ટાયમ અને કોલ્લમમાં અનુક્રમે ૩,૦૦૨, ૪,૦૧૬, ૩,૬૨૭ અને ૩,૦૯૧ નવા કેસ નોંધાયા છે. રાજ્યમાં અત્યાર સુધીમાં ૧,૯૯,૦૪૧ સક્રિય કેસ છે. તેમાંથી માત્ર ૩ ટકા જ હોસ્પિટલમાં દાખલ છે.કેરળમાં કોરોના બેકાબૂ બની રહ્યો છે. ગુરુવારે એક જ દિવસમાં સૌથી વધુ ૪૬ હજાર જેટલા નવા કોરોના કેસ નોંધાયા હતા. બેકાબૂ કોરોના કેસ વચ્ચે કેરળ સરકારે નિયંત્રણો વધુ કડક કરી દીધા છે. હવે આગામી બે રવિવારે (૨૩ અને ૩૦ જાન્યુઆરી) રાજ્યમાં સંપૂર્ણ લોકડાઉન રહેશે. આ સમય દરમિયાન માત્ર આવશ્યક સેવાઓને જ કામ કરવાની મંજૂરી આપવામાં આવશે. રાજ્યમાં પોઝિટિવિટી રેટ ૪૦ ટકાને વટાવી ગયો છે. રાજ્ય સરકાર દ્વારા જાહેર કરવામાં આવેલા આંકડા મુજબ કેરળમાં ગુરુવારે કોરોનાના ૪૬,૩૮૭ નવા કેસ નોંધાયા છે, જ્યારે ૧૫,૩૮૮ લોકો સાજા થયા છે. આ સિવાય ૩૨ લોકોના મોત પણ થયા હતા. આ દરમિયાન રાજ્યભરની તમામ શાળાઓ બંધ રાખવાનો પણ ર્નિણય લેવામાં આવ્યો છે. શુક્રવારથી માત્ર ઓનલાઈન ક્લાસ થશે. કેરળમાં આગામી બે રવિવાર સુધી મોલ, થિયેટર, શાળા-કોલેજ, બજારો, ધાર્મિક સંસ્થાઓ વગેરે બંધ રહેશે. ઓમિક્રોનના વધતા જતા કેસોને ધ્યાનમાં રાખીને કેરળ સરકારે ૨ વર્ષથી ઓછી ઉંમરના બાળકોની માતાઓ માટે ઘરેથી કામ કરવાની જાહેરાત કરી છે. નોંધપાત્ર રીતે કેરળમાં ૨૦૨૦ પછી કોવિડ -૧૯ના સૌથી વધુ કેસ નોંધાયા છે. આ સિવાય દરેક જિલ્લાનું વહીવટીતંત્ર કેસની સંખ્યાના આધારે નવા નિયંત્રણો નક્કી કરી શકે છે. ધાર્મિક વિધિઓ ઓનલાઈન થઈ શકે છે. થિયેટર અને બાર પરના નિયંત્રણો સંબંધિત જિલ્લા કલેક્ટર દ્વારા નક્કી કરી શકાય છે. કેન્દ્ર સરકાર દ્વારા સ્પષ્ટપણે કહેવામાં આવ્યું છે કે હોસ્પિટલમાં દાખલ દર્દીઓના દર અને મૃત્યુ દરમાં વધારો થવાની સ્થિતિમાં જ સંપૂર્ણ લોકડાઉન લાગુ કરવું જાેઈએ. બીજી તરફ વિશ્વ આરોગ્ય સંસ્થાએ પણ ભારતમાં સંપૂર્ણ લોકડાઉન લાગુ કરવાના ર્નિણયને ફગાવી દીધો છે.