વૈશાલી
કોંગ્રેસના રાષ્ટ્રીય સચિવ અને ગુજરાત ચૂંટણીના સહ-પ્રભારી, મધ્યપ્રદેશ સરકારમાં પૂર્વ મંત્રી અને ધારાસભ્ય ઉમંગ સિંઘર વિરુદ્ધ ધારના નૌગાંવ પોલીસ સ્ટેશનમાં બળાત્કાર અને હુમલા સહિત અન્ય કલમો હેઠળ એફઆઈઆર નોંધવામાં આવી છે. હ્લૈંઇ દાખલ કરનાર મહિલાએ પોતાને ઉમંગ સિંઘરની પત્ની ગણાવી છે. હ્લૈંઇ નોંધાયા બાદથી ઉમંગ સિંઘર ગુમ છે. હ્લૈંઇ નોંધાવનાર મહિલા કોંગ્રેસ નેતા હોવાનું કહેવાય છે. કોંગ્રેસ નેતા ઉમંગ સિંઘર વિરુદ્ધ હ્લૈંઇ નોંધાઈ. ત્યારે આ મામલે ગુજરાત પ્રવાસે ગયેલા ગૃહમંત્રી નરોત્તમ મિશ્રાનું નિવેદન સામે આવ્યું છે. તેમણે કહ્યું કે ૩૮ વર્ષની પરિણીત મહિલાએ મધ્યપ્રદેશ સરકારના પૂર્વ મંત્રી અને ધારાસભ્ય ઉમંગ સિંઘર, કોંગ્રેસના રાષ્ટ્રીય સચિવ અને ગુજરાત ચૂંટણીના સહ-ઈન્ચાર્જ વિરુદ્ધ ધારના નૌગાંવ પોલીસ સ્ટેશનમાં બળાત્કારની ફરિયાદ નોંધાવી છે. પોલીસે રિપોર્ટ નોંધ્યો છે. મહિલાએ આરોપ લગાવ્યો છે કે નવેમ્બર ૨૦૨૧થી ૧૮ નવેમ્બર ૨૦૨૨ ની વચ્ચે ઉમંગ સિંઘરે ઁઉડ્ઢ ઓફિસની પાછળના ધારાસભ્યના આવાસમાં તેની સાથે બળાત્કાર કર્યો અને મારપીટ કરી. મહિલાએ ધારાસભ્ય પર અકુદરતી કૃત્ય કરવાનો આરોપ પણ લગાવ્યો છે. આ તમામ આરોપોના આધારે નૌગાંવ પોલીસે ઉમંગ સિંઘર વિરુદ્ધ ૈંઁઝ્રની કલમ ૩૭૬, ૩૭૭ અને ૪૯૮ હેઠળ કેસ નોંધ્યો છે. બળાત્કાર જેવા કેસમાં એફઆઈઆર નોંધાયા પછી, ઉમંગ સિંઘર ન તો ધારમાં છે, ન તો તેના મતવિસ્તારમાં અને ન તો ભોપાલમાં. તે ફોન પણ ઉપાડી રહ્યો નથી. ધરપકડના ડરથી ઉમંગ સિંઘર ગાયબ થઈ ગયો છે. ઉમંગ સિંઘર અગાઉ પણ વિવાદોમાં રહ્યા છે. તેમનું નામ ભોપાલમાં એક આત્મહત્યાના કેસમાં પણ આવ્યું હતું જ્યાં એક મહિલાએ તેમના ઘરે આત્મહત્યા કરી હતી.
