મુંબઈ
શાહિદ કપૂરની છેલ્લી ફિલ્મ જર્સી બોક્સ ઓફિસ પર ખાસ કમાલ કરી શકી ન હતી. ક્રિટિક્સે ફિલ્મને વખાણી હતી, પરંતુ ઓડિયન્સે આવકાર આપ્યો ન હતો. આ ફિલ્મે બોક્સ ઓફિસ પર માંડ ૧૯.૬૮ કરોડનું કલેક્શન મેળવ્યું હતું. સોર્સીસના જણાવ્યા મુજબ, જર્સી ફ્લોપ ગયા બાદ એક ડાયરેક્ટરે શાહિદ કપૂરનો સંપર્ક કર્યો હતો. શાહિદે તેમની પાસે ફિલ્મ માટે રૂ.૩૫ કરોડની ફી માગી હતી. જર્સી સુધી શાહિદ કપૂર ફિલ્મ દીઠ રૂ.૩૦ કરોડ લેતો હતો, જ્યારે હવે તેણે પાંચ કરોડ વધારે માગતા ડાયરેક્ટરને આંચકો લાગ્યો હતો. ફિલ્મના પ્રોડ્યુસર્સ પણ શાહિદને વધારે ફી આપવા મામલે ગૂંચવણમાં મૂકાયા છે. શાહિદ કપૂર પાસે હાલ મોટા પ્રોજેક્ટ્સ નથી. શાહિદની કેટલાક ફિલ્મ મેકર્સ સાથે વાતચીત ચાલી રહી છે, પરંતુ તેણે અચાનક જ ફીમાં વધારો કરી દેતાં આશ્ચર્ય ઊભુ થયું છે. સમ્રાટ પૃથ્વીરાજ અને બચ્ચન પાંડેની નિષ્ફળતા પછી અક્ષય કુમારે પોતાની ફીમાં ઘટડો કર્યો હોવાના રિપોર્ટ્સ છે. ઈન્ડસ્ટ્રીના વણલખ્યા નિયમ મુજબ, સ્ટાર્સની ફીનો આધાર ફિલ્મોના બોક્સ ઓફિસ કલેક્શન રહેલો હોય છે. આ નિયમથી વિપરિત, જર્સી ફ્લોપ થવા છતાં શાહિદ કપૂરે ફી વધારી હોવાનું કહેવાય છે.
