મુંબઈ
છેલ્લા દસ વર્ષથી ગુજરાતી સિનેમામાં ‘અર્બન’ ગુજરાતી ફિલ્મનો જમાનો આવ્યો છે અને અર્બન બેકગ્રાઉન્ડ ધરાવતી અનેક ફિલ્મો સફળ પણ થઈ છે. ફિલ્મની સ્ટારકાસ્ટથી માંડીને ફિલ્મના લોકેશન્સ અને સોન્ગ્સ પણ નવી સ્ટાઈલમાં તૈયાર કરવામાં આવી રહ્યા છે. બીજી તરફ, શુક્રવારે રિલીઝ થયેલી ફિલ્મ ‘સૈયર મોરી રે…’ આ કોન્સેપ્ટથી તદ્દન વિપરીત છે. ગામડાના બેકડ્રોપમાં સામાન્ય યુવક અને યુવતી વચ્ચેની લવસ્ટોરીને રજુ કરતી આ ફિલ્મનું મેકિંગ ખૂબ જ સુંદર રીતે કરવામાં આવ્યું છે. વિશાલ વડા વાલાના નિર્દેશનમાં બનેલી ‘સૈયર મોરી રે…’ માં મયૂર ચૌહાણ ઉર્ફે ‘માઈકલ’ અને યુક્તિ રાંદેરિયાની જાેડીએ શાનદાર અભિનય કર્યો છે. દર્શકોને સિનેમા પડદે તેમની કેમેસ્ટ્રી ખૂબ જ પસંદ આવી છે. કરિયરની ત્રીજી જ ફિલ્મમાં મયૂરે તેની આગવી છાપ છોડી છે અને ભવિષ્યમાં તે અન્ય એક્ટર્સને મજબૂત કોમ્પિટિશન આપે તો નવાઈ નહિ. આ ફિલ્મથી ડેબ્યૂ કરી રહેલી યુક્તિ રાંદેરિયાએ પણ તેના અભિનયથી ફિલ્મમાં જાન રેડી દીધી છે. આ સાથે જ, ફિલ્મના અન્ય કલાકારોનો અભિનય પણ માણવા લાયક છે. એકંદરે આ ફિલ્મ ગુજરાતી સિનેમાના મેકર્સને એક નવા અભિગમ સાથે નવા પ્રયોગ કરવા માટે પ્રેરણારૂપ છે. .‘સૈયર મોરી રે…’ નું સંગીત મન મોહી લેનાર છે. ખાસ કરીને, જીગ્નેશ બારોટ (કવિરાજ)એ સ્વરબદ્ધ કરેલું ફિલ્મનું ટાઈટલ સોન્ગ ‘સૈયર મોરી રે…’ એક અલગ જ અનુભૂતિ આપે છે. અર્બન ફિલ્મોના સમય વચ્ચે રિલીઝ થયેલી આ અનોખી ફિલ્મમાં હરિને તેની લીલા કેવી રીતે મળશે તે જાેવું ઓડિયન્સ માટે એક આગવો અનુભવ બની રહેશે.
