મુંબઈ
આલિયા ભટ્ટે ઇન્સ્ટાગ્રામ પર તેના હાલના ફોટોશૂટની બે તસવીરો શેર કરી છે. જેમાં તે પિંક કલરના ડ્રેસ, બ્લેક કલરના પેન્ટ અને બ્લેક કલરના જેકેટમાં જાેવા મળી રહી છે. આ બે તસવીરોમાં આલિયા ભટ્ટ તેનો બેબી બમ્પ ફ્લોન્ટ કરતી જાેવા મળી રહી છે. આ ઉપરાંત કેમેરા સામે દિલકશ અદાઓ દેખાડી રહી છે. ત્યારે આલિયા ભટ્ટના ચહેરા પર પ્રગ્નેન્સીનો ગ્લો પણ આ તસવીરોમાં સ્પષ્ટ દેખાઈ રહ્યો છે. આલિયા ભટ્ટે ઇન્સ્ટાગ્રામ પર આ તસવીરો શેર કરવાની સાથે લખ્યું છે કે, લાઈટ ટૂંક સમયમાં આવી રહી છે. આ ઉપરાંત તેણે બ્રેકેટમાં લખ્યું- આગામી ૨ અઠવાડિયામાં ૯ સપ્ટેમ્બરના બ્રહ્માસ્ત્ર રિલીઝ થઈ રહી છે. આલિયા ભટ્ટની આ તસવીરો ઇન્સ્ટાગ્રામ પર ખુબ જ વાયરલ થઈ રહી છે. ત્યારે આ તસવીરોને માત્ર ૧૬ મિનિટમાં ૨,૦૩,૦૦૦ થી વધુ લાઈક્સ મળી છે. આ ઉપરાંત ફેન્સ આલિયાની આ તસવીરો પર કોમેન્ટોને વરસાદ કરી રહ્યા છે. તસવીર પર કોમેન્ટ કરતા નેહા ધૂપિયાએ લખ્યું- બ્યુટી ફૂલ, તો બિપાશા બાસુએ ૫ હાર્ટવાળા ઇમોજી કોમેન્ટ કર્યા છે. આ ઉપરાંત રિદ્ધિમા કપૂર સાહનીએ લખ્યું- ગ્લો બ્યુટી, તો અન્ય એકે લખ્યું- આ લાઈટ તમારા બેબી માટે છે. આ ઉપરાંત અન્ય એક લખ્યું- સ્વીટ. હાલ આલિયા ભટ્ટના ઘરમાં ખુશીનો માહોલ જાેવા મળી રહ્યો છે. આલિયા ભટ્ટની ફિલ્મ ૯ સપ્ટેમ્બરના રોજ રીલિઝ થઈ રહી છે. આ ફિલ્મમાં આલિયાના પતિ અને એક્ટર રણબીર કપૂર મહત્વની ભૂમિકામાં જાેવા મળી રહ્યા છે. આ ફિલ્મનું નિર્દેશન તેના ખાસ મિત્ર અયાન મુખર્જીએ કર્યું છે. ખાસ વાત એ છે કે, આ ફિલ્મ ત્રણ ભાગમાં બનાવવામાં આવશે. આ ઉપરાંત આલિયા ભટ્ટ પ્રેગ્નેન્ટ પણ છે. ત્યારે આ બેવડી ખુશીનો આનંદ આલિયા અને તેનો પરિવાર માણી રહ્યો છે. આલિયા ભટ્ટ આ વચ્ચે સતત તેની ફિલ્મનું પ્રમોશન કરી રહી છે અને પોતાના વર્ક કમિટમેન્ટ સાથે જાેડાયેલી વસ્તુઓ પણ પૂરી કરી રહી છે.
