મુંબઈ
બિગ બોસ ઓટીટીની પહેલી સિઝનની સક્સેસ જાેઈને મેકર્સે સેકન્ડ સિઝનની તૈયારી શરૂ કરી છે. રિયાલિટી શોને હોસ્ટ કરવા માટે અગાઉ ઘણાં સ્ટાર્સના નામ બહાર આવ્યા હતા. મીડિયા રિપોર્ટ્સ મુજબ, આ તમામમાં હવે રણવીર સિંહ ફાઈનલ થયા છે. આ મામલે ઓફિશિયલ એનાઉન્સમેન્ટ હજુ થઈ નથી. રણવીરના આગમન બાદ શોમાં કયા ફેરફાર આવે છે જાેવું રહ્યું. કરણ જાેહર સેકન્ડ સિઝનમાં જાેવા નહીં મળે તે નક્કી છે. આ શોમાંથી કરણ જાેહરની વિદાય માટે મેકર્સની બદલાયેલી ચોઈસ જવાબદાર હતી કે કરણ જાેહર પાસે ડેટ્સનો અભાવ હોવાથી અન્ય વિકલ્પ શોધવો પડ્યો તે અંગે ચર્ચાઓ ચાલી રહી છે. ફિલ્મ મેકિંગની સાથે કરણ જાેહર રિયાલિટી શોમાં પણ બિઝી રહેતો હોય છે. કરણ જાેહરની પાર્ટીને બોલિવૂડની શાન ગણવામાં આવે છે અને તેમાં મોટા-મોટાં સ્ટાર્સ હાજરી આપે છે. ફિલ્મ ઈન્ડસ્ટ્રીમાં કરણ જાેહરના રીલેશન્સના કારણે કોફી વિથ કરણમાં દરેક મોટા સ્ટારે અંતરંગ વાતો કરી છે અને ચોંકાવનારા ખુલાસા પણ કર્યા છે. કરણ જાેહરની આ ખાસિયતના પગલે તેમને બિગ બોસ ઓટીટીનું સુકાન સોંપવામાં આવ્યું હતું. બિગ બોસ ઓટીટીની સેકેન્ડ સિઝન માટે તૈયારીઓ ચાલી રહી છે ત્યારે તેમાં હોસ્ટ તરીકે કરણ જાેહરના બદલે રણવીર સિંહ ફાઈનલ થાય તેવી શક્યતા છે. ટેલિવિઝન પર ખૂબ લોકપ્રિય થયેલા બિગ બોસને વર્ષોથી સલમાન ખાન હોસ્ટ કરી રહ્યા છે. કોરોના વાયરસનું કારણ દર્શાવીને મેકર્સે આ શોને ટીવીના બદલે ઓટીટી પર રિલિઝ કર્યો હતો. બિગ બોસ ઓટીટીની પહેલી સિઝનને ફિલ્મ મેકર કરણ જાેહરે હોસ્ટ કરી હતી. સેકન્ડ સિઝનમાં સલમાન ખાન કમબેક કરે તેવી અટકળો હતી. જાે કે સલમાન ખાન એન્ટ્રી કરવાના મૂડમાં નથી અને કરણ જાેહર રિપિટ થાય તેવી શક્યતા નથી.
