મુંબઈ
થોડા દિવસોથી ‘તારક મહેતા કા ઉલ્ટા ચશ્મા’ સીરિયલમાંથી શૈલેષ લોઢાના શો છોડવાના સમાચાર આવી રહ્યા છે. શૈલેષ લોઢા આ શોમાં જેઠાલાલના ખાસ મિત્રનું પાત્ર ભજવે છે. પરંતુ હવે આ સમાચારો પર એક ટ્વીટે મોહર લગાવી દીધી છે, ત્યારબાદથી સોશિયલ મીડિયા પર ટ્વીટસ નો વરસાદ થવા લાગ્યો છે. આ ટ્વીટમાં જે ટીઝર શેર કરવામાં આવ્યું છે તેમાં શૈલેષ લોઢા જાેવા મળી રહ્યા છે. એવામાં આ શોના ટીઝરે ‘તારક મહેતા કા ઉલ્ટા ચશ્મા’ છોડવાની અટકળોને કંફોર્મ કરી દીધી છે. ખાસ વાત એ છે કે શૈલેષ લોઢા આ શો સાથે લગભગ ૧૪ વર્ષથી જાેડાયેલા છે. એવામાં શૈલેષ લોઢા દ્રારા આ છોડવાના સમાચાર ફેન્સ માટે આધાતથી ઓછા નથી. જાેકે શેમારૂ ટીવીના ટિ્વટર હેન્ડલ પરથી એક ટ્વીટ થયું છે. આ ટ્વીટમાં કેપ્શન ઉપરાંત એક નાનકડો વીડિયો પણ રિલીઝ કરવામાં આવ્યો છે જેમાં શૈલેષ લોઢા નવા શોમાં જાેવા મળી રહયા છે. આ ટ્વીટમાં લખ્યું છે ‘વાહ ભાઇ વાહ! ઓળખો તો જરા, કોણ છે આ, જે લઇને આવી રહ્યા છે નવો શો? જુઓ ટૂંક સમયમાં શેમારૂ ટીવી પર.’ શૈલેષ લોઢાનું આ શોને અલવિદા કહેવું ફેન્સ માટે આધાતજનક હશે કારણ કે ફેન્સ પહેલાંથી જ દયાબેનને મિસ કરી રહ્યા છે. અત્યાર સુધી શોના મેકર્સ જેમ તેમ આ શોની કહાનીને આગળ વધારી રહ્યા હતા. એવામાં બે પાત્રોનું શોમાંથી નિકળી જવું મેકર્સ માટે સમસ્યા ઉભી કરી શકે છે.
