મુંબઈ
૧૧મી ઓગસ્ટે આમિરખાન અને અક્ષય કુમારની બિગ બજેટ ફિલ્મો રિલીઝ થઈ રહી છે. બોક્સ ઓફિસ પર આ બંને ફિલ્મો વચ્ચે મોટી ટક્કર થાય તે પહેલાં જ લાલ સિંહ ચઢ્ઢાના બૉયકોટ માટે સોશિયલ મીડિયા પર ટ્રેન્ડ ચાલી રહ્યો છે. આમિર ખાન બાદ હવે અક્ષય કુમાર માટે પણ જૂની પોસ્ટ્સ આફત બની છે. અક્ષય કુમાર ઉપરાંત રક્ષાબંધનની રાઈટર કનિકા ધિલ્લોનની જૂની પોસ્ટના સ્ક્રિન શોટ્સ સોશિયલ મીડિયા પર વાઈરલ થઈ રહ્યા છે અને તેનો બૉયકોટ કરવા માગણીઓ ઊઠી છે. ટિ્વટર પર બૉયકોટ રક્ષાબંધન ટ્રેન્ડ થઈ રહ્યું છે. યુઝર્સે કનિકા ધિલ્લોનની જૂની ટિ્વટ્સના સ્ક્રિનશોટ્સ શેર કર્યા છે અને તે હિન્દુ સંસ્કૃતિ વિરોધી હોવાના દાવા થઈ રહ્યા છે. કનિકાના જે ટિ્વટ્સ શેર થયા છે, તેમાં સીએએ, ગોવંશ, ગૌમૂત્ર અને હિન્દુત્વ અંગે વાત કરવામાં આવી છે. કનિકાની સાથે અક્ષયના ટિ્વટ્સનો પણ ઉલ્લેખ થઈ રહ્યો છે, જેમાં અક્ષયે શિવલિંગ પર દૂધ ચઢાવવાની માન્યતાને દૂધની બરબાદી ગણાવી હતી. સોશિયલ મીડિયા પર આમિરની ફિલ્મ લાલ સિંહ ચઢ્ઢાના બૉયકોટનો ટ્રેન્ડ અક્ષયને આડકતરો લાભ કરાવી શકત. જાે કે નેટિઝન્સે હવે અક્ષયને પણ સાણસામાં લીધો છે. શિવલિંગ પર દૂધ ચઢાવવા માટે તેણે કરેલી જૂની પોસ્ટની સાથે પૃથ્વીરાજના પ્રમોશન માટે શિવ ભક્તિ કરનારા અક્ષયના સ્ક્રિનશોટ્સ વાઈરલ થઈ રહ્યાં છે. ૧૧મી ઓગસ્ટે આમિર-કરીનાની ફિલ્મ લાલ સિંહ ચઢ્ઢા સાથે અક્ષય-ભૂમિની રક્ષાબંધન વચ્ચે ટક્કર થવાની છે.
