ક્રૂડ તેલ વાયદો સાપ્તાહિક ધોરણે બેરલદીઠ રૂ.705 લપસ્યોઃ કોટનમાં રૂ.1,170નો કડાકો

સપ્તાહ દરમિયાન ચાંદીના વાયદાના ભાવમાં રૂ.1,625નો ઉછાળોઃ સોનું રૂ.158 વધ્યુઃ મેન્થા તેલ સુધર્યુઃ કોમોડિટી વાયદાઓમાં રૂ.111701 કરોડ અને ઓપ્શન્સમાં રૂ.239554 કરોડનું ટર્નઓવર : બુલડેક્સ વાયદામાં રૂ.353 કરોડનાં કામકાજ

મુંબઈઃ દેશના અગ્રણી કોમોડિટી ડેરિવેટિવ્ઝ એક્સચેન્જ એમસીએક્સ પર વિવિધ કોમોડિટી વાયદા, ઓપ્શન્સ અને ઈન્ડેક્સ ફ્યુચર્સમાં 2થી 8 ડિસેમ્બરના સપ્તાહ દરમિયાન 44,77,102 સોદાઓમાં કુલ રૂ.3,51,608.55 કરોડનું ટર્નઓવર નોંધાયું હતું, જેમાં કોમોડિટી વાયદાનાં કામકાજનો હિસ્સો રૂ.1,11,701.48 કરોડનો અને ઓપ્શન્સનો હિસ્સો રૂ.2,39,554.48 કરોડનો હતો.

સમીક્ષા હેઠળના સપ્તાહ દરમિયાન, કીમતી ધાતુઓના વાયદાઓમાં સોના-ચાંદીમાં એમસીએક્સ પર 10,65,296 સોદાઓમાં કુલ રૂ.51,918.89 કરોડનાં કામકાજ થયાં હતાં. સોનાના વાયદાઓમાં એમસીએક્સ સોનું ફેબ્રુઆરી વાયદો 10 ગ્રામદીઠ સપ્તાહના પ્રારંભે રૂ.53,810ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.54,228 અને નીચામાં રૂ.53,461 ના મથાળે અથડાઈ, સપ્તાહનાં અંતે રૂ.158 વધી રૂ.54,051ના ભાવે પહોંચ્યો હતો. આ સામે ગોલ્ડ-ગિની ડિસેમ્બર કોન્ટ્રેક્ટ 8 ગ્રામદીઠ રૂ.287 વધી રૂ.43,279 અને ગોલ્ડ-પેટલ ડિસેમ્બર કોન્ટ્રેક્ટ 1 ગ્રામદીઠ રૂ.40 વધી રૂ.5,335ના ભાવે પહોંચ્યો હતો. સોનું-મિની જાન્યુઆરી વાયદો 10 ગ્રામદીઠ રૂ.53,416ના ભાવે ખૂલી, રૂ.192 વધી રૂ.53,741ના સ્તરે પહોંચ્યો હતો.

ચાંદીના વાયદાઓમાં ચાંદી માર્ચ વાયદો 1 કિલોદીઠ સપ્તાહના પ્રારંભે રૂ.65,379ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.67,394 અને નીચામાં રૂ.65,040 ના મથાળે અથડાઈ, સપ્તાહનાં અંતે રૂ.1625 વધી રૂ.67,034 ના સ્તરે બંધ થયો હતો. ચાંદી-મિની ફેબ્રુઆરી કોન્ટ્રેક્ટ રૂ.1632 વધી રૂ.67,002 અને ચાંદી-માઈક્રો ફેબ્રુઆરી કોન્ટ્રેક્ટ રૂ.1,632 વધી રૂ.66,997 બંધ થયો હતો.

બિનલોહ ધાતુઓના વાયદાઓમાં સપ્તાહ દરમિયાન એમસીએક્સ ખાતે 1,10,139 સોદાઓમાં રૂ.17,322.36 કરોડના વેપાર થયા હતા. એલ્યુમિનિયમ ડિસેમ્બર વાયદો 1 કિલોદીઠ રૂ.4.35 વધી રૂ.215.45 અને જસત ડિસેમ્બર વાયદો રૂ.13.55 વધી રૂ.285ના ભાવ થયા હતા. આ સામે તાંબુ ડિસેમ્બર કોન્ટ્રેક્ટ રૂ.16.35 વધી રૂ.707.90 તેમ જ સીસું ડિસેમ્બર કોન્ટ્રેક્ટ રૂ.1.05 વધી રૂ.186ના ભાવ થયા હતા.

એનર્જી સેગમેન્ટના વાયદાઓમાં એમસીએક્સ પર સપ્તાહ દરમિયાન 5,99,975 સોદાઓમાં કુલ રૂ.42,218.58 કરોડનો ધંધો થયો હતો. ક્રૂડ તેલ ડિસેમ્બર વાયદો સપ્તાહના પ્રારંભે રૂ.6,623ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.6,773 અને નીચામાં રૂ.5,910 ના મથાળે અથડાઈ, સપ્તાહનાં અંતે 1 બેરલદીઠ રૂ.705 ઘટી રૂ.5,968 બોલાયો હતો, જ્યારે નેચરલ ગેસ ડિસેમ્બર વાયદો 1 એમએમબીટીયૂદીઠ રૂ.51.10 ઘટી રૂ.503.70 બંધ થયો હતો.

કૃષિ કોમોડિટીઝના વાયદાઓમાં સપ્તાહ દરમિયાન એમસીએક્સ ખાતે 2,743 સોદાઓમાં રૂ.241.65 કરોડનાં કામકાજ થયા હતા. કપાસ એપ્રિલ વાયદો 20 કિલો દીઠ રૂ.33.50ના સુધારા સાથે રૂ.1,723.50 બંધ થયો હતો. કોટન ડિસેમ્બર વાયદો 1 ગાંસડીદીઠ રૂ.31,900ના ભાવે ખૂલી, સપ્તાહ દરમિયાન ઈન્ટ્રા-ડેમાં ઉપરમાં રૂ.32,570 અને નીચામાં રૂ.31,160 ના મથાળે અથડાઈ, સપ્તાહનાં અંતે રૂ.1,170 ઘટી રૂ.31,210ના સ્તરે પહોંચ્યો હતો. મેન્થા તેલના વાયદાઓમાં ડિસેમ્બર કોન્ટ્રેક્ટ 1 કિલોદીઠ રૂ.12.40 વધી રૂ.964.40 થયો હતો.

કામકાજની દૃષ્ટિએ સપ્તાહ દરમિયાન એમસીએક્સ પર કીમતી ધાતુઓમાં સોનાના વિવિધ વાયદાઓમાં રૂ.16,442.45 કરોડનાં 30,543.666 કિલો અને ચાદીના વિવિધ વાયદાઓમાં કુલ રૂ.35,476.44 કરોડનાં 5,365.524 ટનના વેપાર થયા હતા. એનર્જી સેગમેન્ટમાં ક્રૂડ તેલના વાયદાઓમાં રૂ.18,571.76 કરોડનાં 2,93,69,500 બેરલ અને નેચરલ ગેસના વાયદાઓમાં રૂ.23,647 કરોડનાં 48,60,63,750 એમએમબીટીયૂનો ધંધો થયો હતો. કૃષિ કોમોડિટીઝમાં કોટનના વાયદાઓમાં રૂ.215.74 કરોડનાં 67,900 ગાંસડી, મેન્થા તેલના વાયદાઓમાં રૂ.25.88 કરોડનાં 271.44 ટનનાં કામકાજ  થયાં હતાં.

ઓપન ઈન્ટરેસ્ટ સપ્તાહના અંતે એમસીએક્સ પર સોનાના વિવિધ વાયદાઓમાં 19,234.368 કિલો અને ચાંદીના વિવિધ વાયદાઓમાં 913.068 ટન, ક્રૂડ તેલમાં 24,56,400 બેરલ અને નેચરલ ગેસમાં 1,59,41,250 એમએમબીટીયૂ તેમ જ કોટનમાં 60350 ગાંસડી, મેન્થા તેલમાં 429.84 ટનના સ્તરે રહ્યો હતો.

ઈન્ડેક્સ ફ્યુચર્સની વાત કરીએ તો, એમસીએક્સ પર સપ્તાહ દરમિયાન બુલડેક્સ વાયદામાં રૂ.352.59 કરોડનાં 4,712 લોટ્સ ના વેપાર થયા હતા. બુલડેક્સ ડિસેમ્બર વાયદો 14,902ના સ્તરે ખૂલી, 149 પોઈન્ટ વધી 15,076ના સ્તરે હતો.

ઓપ્શન્સની વાત કરીએ તો, કોમોડિટી વાયદા પરના ઓપ્શન્સમાં સપ્તાહ દરમિયાન એમસીએક્સ પર રૂ.2,39,554.48 કરોડનું નોશનલ ટર્નઓવર નોંધાયું હતું. સોનું તથા સોનું-મિનીના કોલ અને પુટ ઓપ્શન્સમાં રૂ.5,214.08 કરોડ, ચાંદી તથા ચાંદી-મિનીના કોલ અને પુટ ઓપ્શન્સમાં રૂ.1,606.75 કરોડનાં કામ થયાં હતાં. એનર્જી સેગમેન્ટના ઓપ્શન્સમાં ક્રૂડ તેલના કોલ અને પુટ ઓપ્શન્સમાં રૂ.2,00,881.48 કરોડ અને નેચરલ ગેસના કોલ અને પુટ ઓપ્શન્સમાં રૂ.31,837.63 કરોડનાં કામકાજ થયાં હતાં.