મુંબઈ
નાગાર્જુન સાથે ધ ઘોસ્ટ ફિલ્મમાં સોનલ ચૌહાણ પણ લીડ રોલમાં છે. એક્શન-થ્રિલરથી ભરપૂર આ ફિલ્મમાં અકિનેની નાગાર્જુન ઈન્ટરપોલ ઓફિસરનો રોલ કરી રહ્યા છે અને તેમની સાથે લીડ રોલમાં સોનલ ચૌહાણ છે. હોલિવૂડની પોપ્યુલર ફિલ્મ ટોમ્બ રેઈડરમાં એન્જેલિના જાેલીએ લારા ક્રોફ્ટનો રોલ કર્યો હતો. સ્ટન્ટ અને સ્ફૂર્તિ માટે લારાના આ કેરેક્ટરની સરખામણી કોઈની સાથે થઈ શકે તેમ નથી. ધ ઘોસ્ટમાં સોનલ ચૌહાણને ઈન્ડિયન લારા ક્રોફ્ટના અવતારમાં રજૂ કરવાની છે અને તેના માટે સોનલને આકરી ટ્રેનિંગ અપાઈ છે. સોર્સીસના જણાવ્યા મુજબ, ફિલ્મમાં ટફ પોલીસ ઓફિસર પ્રિયાનો રોલ સોનલ કરી રહી છે. સોનલને લારા ક્રોફ્ટના દેશી અવતારમાં રજૂ કરવાની હોવાથી તેને આકરી તાલીમ અપાઈ રહી છે. શૂટિંગ રેન્જ પર કલાકો સુધી પ્રેક્ટિસ કરવાની હોય છે. આવા જ એક ટ્રેનિંગ સેશન દરમિયાન સોનલ ઘાયલ થઈ હતી, પરંતુ તેણે પ્રેક્ટિસ અટકવા દીધી ન હતી. નાગાર્જુન-સોનલની ધ ઘોસ્ટનું ટ્રેલર લોન્ચ થયું છે.
