મુંબઈ
આલિયા ભટ્ટ અને રણબીર કપૂરની ફિલ્મ ‘બ્રહ્માસ્ત્ર’ને દર્શકોની સાથે ઈન્ડસ્ટ્રીના લોકોનો પણ ઘણો પ્રેમ મળી રહ્યો છે. તાજેતરમાં જ ફિલ્મ અભિનેતા અને નિર્દેશક રાકેશ રોશને ફિલ્મમાં બતાવવામાં આવેલી સ્પેશિયલ ઈફેક્ટ્સ વિશે ઘણું કહ્યું છે. ટૂંક સમયમાં માતા-પિતા બનવા જઈ રહેલી આલિયા ભટ્ટ અને રણબીર કપૂરની ફિલ્મ ‘બ્રહ્માસ્ત્ર’એ બોક્સ ઓફિસ પર ધૂમ મચાવી દીધી છે. આ ફિલ્મે બોક્સ ઓફિસ પર ધમાકેદાર એન્ટ્રી કરવાની સાથે સાથે ઘણી કમાણી પણ કરી હતી. મલ્ટિસ્ટારર ફિલ્મે માત્ર ભારતમાં જ નહીં પરંતુ આંતરરાષ્ટ્રીય સિનેમામાં હોલીવુડની બે ફિલ્મોને પાછળ છોડી દીધી છે. તેની સાથે ફિલ્મમાં વપરાયેલ ફહ્લઠ અને સ્પેશિયલ ઈફેક્ટ્સે દર્શકોના દિલ જીતી લીધા છે. આ દરમિયાન ફિલ્મ અભિનેતા અને નિર્દેશક રાકેશ રોશનની પ્રતિક્રિયા પણ આવી છે. આ ફિલ્મની સ્પેશિયલ ઈફેક્ટ્સે તેને એટલો પ્રભાવિત કર્યો છે કે તે તેની આગામી ફિલ્મ ‘ક્રિશ ૪’ને દર્શકો સામે સમાન ઈફેક્ટ્સ સાથે રજૂ કરવા માંગે છે. હાલમાં જ તેણે આ ફિલ્મના વખાણ કરવાની સાથે ફિલ્મમાં બતાવવામાં આવેલી સ્પેશિયલ ઈફેક્ટ્સ વિશે પણ વાત કરી હતી. આ સાથે તેણે ‘ક્રિશ ૪’ વિશે એક મોટું અપડેટ પણ આપ્યું છે. એક ન્યૂઝ પોર્ટલ સાથેના તાજેતરના ઈન્ટરવ્યુમાં રાકેશ રોશને ‘બ્રહસ્ત્ર’ની વિઝ્યુઅલ ઈફેક્ટ્સ વિશે વાત કરતા કહ્યું કે ‘ક્રિશ ૪’ની સ્ક્રિપ્ટ લગભગ પૂરી થઈ ગઈ છે. આ એક મોટા બજેટની ફિલ્મ બનવા જઈ રહી છે. તેણે વધુમાં કહ્યું કે ‘મારા માટે પડકાર એ છે કે આજના યુગમાં લોકો દુનિયાભરના સુપરહીરો અને એક્શન ફિલ્મો જુએ છે. આ ફિલ્મો બહુ મોટા બજેટની છે અને આપણી પાસે એટલું બજેટ નથી. તેથી આપણે આપણી સુપરહીરો ફિલ્મો ખૂબ જ મજબૂત કન્ટેન્ટ સાથે બનાવવાની છે. એટલું જ નહીં, ‘શું દર્શકો પણ ક્રિશ સિનેમેટિક યુનિવર્સ અપેક્ષા રાખી શકે છે?’
