મુંબઈ
‘કહો ના પ્યાર હૈ’ની સ્ટોરીએ દર્શકોને ખૂબ પ્રભાવિત કર્યા. તેમના પુત્ર અને આ સમયે બોલિવૂડના પ્રખ્યાત અભિનેતા ઋત્વિક રોશન અને અભિનેત્રી અમીષા પટેલે રાકેશ રોશન દ્વારા નિર્દેશિત આ ફિલ્મથી તેમની કારકિર્દીની શરૂઆત કરી હતી. અભિનેતા હૃતિક રોશને આ ફિલ્મમાં પ્રથમ વખત ડબલ રોલ ભજવ્યો હતો, જેનાથી તે રાતોરાત સુપરસ્ટાર બની ગયો હતો. ફિલ્મ ‘કહો ના પ્યાર હૈ’ને ચાહકો અને વિવેચકોએ ખુબ જ વખાણી હતી. પરંતુ શું તમે જાણો છો કે ફિલ્મ ‘કહો ના પ્યાર હૈ’નો પણ રેકોર્ડ છે? હા, આ ફિલ્મને ગીનીસ બુક ઓફ વર્લ્ડ રેકોર્ડમાં સ્થાન મળ્યું છે. તમને જણાવી દઈએ કે કહો ના પ્યાર હૈને ૯૨ એવોર્ડ મળ્યા હતા. અને ફિલ્મ માટે સૌથી વધુ એવોર્ડ મેળવવા માટે તેનું નામ ગિનિસ બુક ઓફ વર્લ્ડ રેકોર્ડમાં સામેલ કરવામાં આવ્યું હતું. હૃતિક રોશનના પિતા અને નિર્દેશક રાકેશ રોશનને આ ફિલ્મથી ફિલ્મ ‘કહો ના પ્યાર હૈ’ માટે પહેલો ફિલ્મફેર એવોર્ડ મળ્યો હતો. રાકેશ રોશનનો પુત્ર હૃતિક રોશન એકમાત્ર એવો અભિનેતા બન્યો કે જેણે તે જ ફિલ્મ માટે શ્રેષ્ઠ અભિનેતા તેમજ શ્રેષ્ઠ ડેબ્યૂનો ફિલ્મફેર એવોર્ડ જીત્યો. ‘કહો ના પ્યાર હૈ’નું નામ ૨૦૦૨માં ગિનિસ બુક ઓફ વર્લ્ડ રેકોર્ડમાં સામેલ કરવામાં આવ્યું હતું. ગીનીસ બુક ઓફ વર્લ્ડ રેકોર્ડ ઉપરાંત વર્ષ ૨૦૦૩માં સૌથી વધુ એવોર્ડ જીતવા બદલ ફિલ્મનું નામ ‘લિમ્કા બુક ઓફ રેકોર્ડ્સ’માં પણ નોંધાયેલું છે. જે વર્ષ એટલે કે આ ફિલ્મ ૧૪ જાન્યુઆરી, ૨૦૦૦ના રોજ રીલિઝ થઈ હતી તે વર્ષે આ ફિલ્મને અલગ-અલગ કેટેગરીમાં અને ફેસ્ટિવલમાં લગભગ ૯૨ એવોર્ડ મળ્યા હતા. જે એક વર્લ્ડ રેકોર્ડ હતો અને નવાઈની વાત એ છે કે આ ફિલ્મને ૨૨ વર્ષ થયા છે. આજે પણ આ ફિલ્મ લોકોને ખુબ જ પસંદ આવી રહી છેવર્ષ ૨૦૦૦માં જ્યારે ફિલ્મ ‘કહો ના પ્યાર હૈ’ રિલીઝ થઈ ત્યારે બે નવા સ્ટાર્સ રિતિક રોશન અને અમીષા પટેલે મોટા પડદા પર ધમાલ મચાવી હતી. રિતિક રોશનની એક્ટિંગ, ડાન્સ અને લુક્સના લાખો ચાહકો એક ફિલ્મની રિલીઝથી જ બની ગયા હતા. આ ફિલ્મ વર્ષ ૨૦૦૦ની બીજી સૌથી વધુ કમાણી કરનારી ફિલ્મ બની હતી.
