મુંબઈ
‘તારક મહેતા કા ઉલ્ટા ચશ્મા’ શો છેલ્લા કેટલાય સમયથી લોકોનું ભરપૂર મનોરંજન કરી રહ્યો છે. આ શોના અનેક કલાકારોએ શો છોડ્યો છે અને તેમાંથી એક નામ શૈલેષ લોઢા છે. તેમણે અચાનક શો છોડીને તેમના ફેન્સને ઝટકો આપ્યો હતો. પરંતુ આ બધા વચ્ચે હવે આ શોનો એક નવો પ્રોમો સામે આવ્યો છે. આ પ્રોમોમાં શોના નવા તારક મહેતાની ઝલક દેખાડવામાં આવી છે. પ્રોમો જાેઈને ફેન્સની ખુશીનું ઠેકાણું નથી. ‘તારક મહેતા કા ઉલ્ટા ચશ્મા’ના નવા પ્રોમોમાં નવા તારક મહેતાની પહેલી ઝલક ફેન્સને જાેવા મળી રહી છે. તમામ લોકો સોશિયલ મીડિયા પર નવા તારક મહેતા વિશે અનુમાન લગાવી રહ્યા હતા અને આ અનુમાન સાચુ પણ છે. અભિનેતા સચિન શ્રોફ જ નવા તારક મહેતા છે. પ્રોમોમાં તારક મહેતાની ઓનસ્ક્રિન પત્ની અંજલી મહેતા ગણપતિ પંડાલમાં એક માણસનો અવાજ સાંભળીને એ જાેવાની કોશિશ કરે છે કે આખરે આ અવાજ કોનો છે. વીડિયોની કેપ્શનમાં લખ્યું છે કે ‘આખરે ગણપતિ બાપ્પાની આરતી કોણ કરી રહ્યું છે? જાણવા માટે જાેતા રહો.’ આ શોમાં ફેન્સ સચિનને શોમાં જાેઈને ખુબ ખુશ થયા છે. એક યૂઝરે કમેન્ટમાં લખ્યું કે ગ્રેટ ન્યૂ તારક મહેતા ગ્રેટ, શો બંધ થવો જાેઈએ નહીં. ધીરે ધીરે તેમને પણ એડજસ્ટ કરીશું. અન્ય એક યૂઝરે લખ્યું છે કે શોને ખતમ કરી દો. અમે આ શોને હંમેશાથી ભારતનો નંબર વન શો બની રહેલો જાેવા માંગીએ છીએ. પ્લીઝ નવા કાસ્ટ લાવીને તેને ખરાબ ન કરો. જૂના કાસ્ટ અને જૂના તારક મહેતા કા ઉલ્ટા ચશ્મા જ બેસ્ટ હતો પ્યોર એન્ટરટેઈન્મેન્ટ. મીડિયા રિપોર્ટ્સમાં પહેલા જ સામે આવી ગયું હતું કે જૂના તારક મહેતા શૈલેષ લોઢાને રિપ્લેસ કરવા માટે અભિનેતા સચિન શ્રોફને લાવવામાં આવશે. હાલમાં જ પ્રકાશ ઝાની હિટ વેબ સિરીઝ આશ્રમમાં સચિન શ્રોફ એક રાજકારણી તરીકે જાેવા મળ્યા હતા. આ ઉપરાંત તેઓ ‘ગુમ હૈ કિસી કે પ્યાર મે’ માં પણ કામ કરી ચૂક્યા છે.
