મુંબઈ
મિસ્ટર આઈપીએલ સુરેશ રૈના અને ભારતીય ટીમના ભૂતપૂર્વ મુખ્ય કોચ રવિ શાસ્ત્રી ઈન્ડિયન પ્રીમિયર લીગમાં નવા અવતારમાં જાેવા મળશે. પ્રથમ સિઝનથી ૨૦૨૧ સુધી આઈપીએલનો ભાગ રહેલા સુરેશ રૈનાને આ વખતે હરાજીમાં કોઈ ટીમે લીધો ન હતો. આ કારણે ઈન્ટરનેટ મીડિયામાં ચેન્નાઈ સુપર કિંગ્સ અને લખનૌ સુપર જાયન્ટ્સની પણ ભારે ટીકા થઈ હતી. કારણ કે રૈના આઈપીએલમાં માત્ર સીએસકે અને ગુજરાત લાયન્સ માટે જ રમ્યો હતો. જ્યારે સીએસકે સસ્પેન્ડ કરવામાં આવ્યું ત્યારે તેણે બે વર્ષ સુધી ગુજરાત લાયન્સનું નેતૃત્વ પણ કર્યું હતું. જે બાદ તે ફરીથી સીએસકેમાં જાેડાયો. તે જ સમયે, ચાહકોને આશા હતી કે ઉત્તર પ્રદેશના હોવાને કારણે, નવી આઈપીએલ ટીમ લખનૌ તેમની સાથે જાેડાશે. પરંતુ આ ટીમે પણ તેને ખરીદ્યો નહીં. જાે કે, તે આ વર્ષે વિશ્વની સૌથી મોટી લીગમાં ખેલાડી તરીકે નહીં, પરંતુ બ્રોડકાસ્ટર સ્ટાર સ્પોર્ટ્સ પર કોમેન્ટેટર તરીકે જાેવા મળશે. તે જ સમયે, રવિ શાસ્ત્રી પણ ટીમ ઈન્ડિયાના કોચ પદ છોડ્યા બાદ આઈપીએલમાં પહેલીવાર હિન્દીમાં કોમેન્ટ્રી કરતા જાેવા મળશે. આઈપીએલ સાથે સંકળાયેલા એક સૂત્રએ કહ્યું કે તમે બધા જાણો છો કે સુરેશ રૈના આ વખતે આઈપીએલમાં નહીં રમે. પરંતુ અમે તેને કોઈને કોઈ રીતે જાેડવા માગીએ છીએ. તેને મિસ્ટર આઈપીએલ કહેવામાં આવે છે. તે એક સમયે આઈપીએલમાં સૌથી વધુ રન બનાવનાર ખેલાડી હતો. તેના લાખો ચાહકો છે. તે જ સમયે, રવી શાસ્ત્રી પહેલા સ્ટાર સ્પોર્ટ્સ માટે અંગ્રેજીમાં કોમેન્ટ્રી કરતા હતા. રવિ શાસ્ત્રીએ ૨૦૧૭ ની ચેમ્પિયન્સ ટ્રોફીની ફાઈનલ બાદ કોમેન્ટ્રી કરી ન હતી. તેઓ ભારતીય ટીમ સાથે મુખ્ય કોચ તરીકે જાેડાયા હતા. આ વખતે રવિ શાસ્ત્રી અંગ્રેજીમાં નહીં પરંતુ હિન્દીમાં કોમેન્ટ્રી કરતા જાેવા મળશે. સૂત્રએ કહ્યું કે રવિ શાસ્ત્રીની હિન્દીમાં મુંબઈનો ભાવ વધું છે અને તેના કારણે તેઓ ઝૂમ પર અમારા શિક્ષક પાસેથી હિન્દીના ક્લાસ પણ લઈ રહ્યા છે. કેટલાક કોમેન્ટ્રી રિહર્સલ પણ કરવામાં આવ્યા છે. એકંદરે, અમે ઈચ્છીએ છીએ કે તેની પાસે જે ભાવ-લહેકો છે તે જળવાઈ રહે. આ સાથે તે સારી હિન્દી પણ બોલે છે જે દર્શકોને પસંદ આવશે.
