મુંબઈ
બોલિવુડમાં અલગ પડી રહ્યા છે કપલ જ્યારે સીમા ખાને નેટફ્લિક્સ શો ‘ફેબ્યુલસ લાઈવ્સ ઓફ બોલિવૂડ વાઈવ્સ’માં ભાગ લીધો હતો, ત્યારે તેણે એક અલગ ઘરમાં રહેવા માટે બધાનું ધ્યાન ખેંચ્યું હતું. શોમાં બતાવવામાં આવ્યું હતું કે સીમા અને સોહેલ ખાન અલગ-અલગ ઘરમાં રહે છે જે દર્શાવે છે કે બંને થોડા સમય પહેલા અલગ થઈ ગયા હતા. તેઓ હવે કાયદાકીય રીતે તેમના અલગ થવાને માન્યતા આપી રહ્યા છે. આજે ૧૩ મેના રોજ બંને મુંબઈની ફેમિલી કોર્ટમાંથી બહાર નીકળતા જાેવા મળ્યા હતા. તેઓ ૨ પુત્રોના માતા-પિતા છે. સીમા એ શોમાં એમ પણ કહેતી જાેવા મળી હતી કે તેનો પુત્ર તેના પિતા સાથે રહે છે અને તે તેને સારી રીતે જાેઈ શકતી નથી. શો દરમિયાન, સીમાએ સોહેલ ખાન સાથેના તેના સંબંધો વિશે વાત કરતા કહ્યું, ‘અમારો સૌથી અદ્ભુત પરિવાર છે. સોહેલ એક અદ્ભુત પિતા છે. મારા બાળકોના જન્મથી, તેઓ અદ્ભુત પિતા છે. હું તેમને પ્રેમ કરું છું અને હંમેશા કરીશ. અમારો ઘણો સારો સંબંધ છે. તે ફક્ત એટલું જ છે કે કેટલીકવાર તમે મોટા થાઓ છો, તમારા સંબંધો અલગ પડે છે અને જુદી જુદી દિશામાં જાય છે.’ તેણી આગળ કહેતી જાેવા મળી હતી, ‘હું આ માટે માફી માંગતી નથી, કારણ કે અમે ખુશ છીએ અને મારા બાળકો ખુશ છે. સોહેલ અને મારા પરંપરાગત લગ્ન નથી, પરંતુ અમે એક પરિવાર છીએ. આપણે એક એકમ છીએ. અમારા માટે બાળકો મહત્વપૂર્ણ છે.’ સીમા વ્યવસાયે ફેશન ડિઝાઇનર છે. તે મુંબઈમાં ફેશન સ્ટોર પણ ચલાવે છે. સોહેલ ખાન અને સીમા કોમન ફ્રેન્ડ્સ દ્વારા એકબીજાને મળ્યા અને સારા મિત્રો બની ગયા. પછી, તેઓ પ્રેમમાં પડ્યા અને એક વર્ષમાં લગ્ન કરવાનું નક્કી કર્યું. સીમાનો પરિવાર શરૂઆતમાં આ સંબંધથી નાખુશ હતો, પરંતુ બાદમાં તેઓએ તેને મંજૂરી આપી દીધી.
