મુંબઈ
હૈદરાબાદના સાંસદ અને ઓલ ઈન્ડિયા મજલિસ-એ-ઈત્તેહાદુલ મુસલમીનના વડા અસદુદ્દીન ઓવૈસીએ શનિવારે વિનંતી કરી કે હૈદરાબાદ મુક્તિને બદલે રાષ્ટ્રીય એકતા દિવસ ઉજવે. તેમણે આ અંગે કેન્દ્રીય ગૃહમંત્રી અમિત શાહ અને તેલંગાણાના મુખ્યમંત્રી કે ચંદ્રશેખર રાવને પત્ર લખ્યો છે. આ દિવસ ૧૭ સપ્ટેમ્બરે ઉજવવામાં આવશે. ઓવૈસીએ કહ્યું કે હૈદરાબાદ મુક્તિ નહીં, પરંતુ રાષ્ટ્રીય એકતા દિવસની ઉજવણી કરો. ઓવૈસીની માંગને પગલે તેલંગાણા સરકારે ૧૬, ૧૭ અને ૧૮ સપ્ટેમ્બરે ‘તેલંગાણા રાષ્ટ્રીય એકતા દિવસ’ મનાવવાનો ર્નિણય કર્યો છે. ભારત સરકારે હૈદરાબાદ રાજ્ય મુક્તિના ૭૫ વર્ષની ઉજવણી કરવાનો ર્નિણય લીધો છે. ૧૭ સપ્ટેમ્બરથી વર્ષભરની ઉજવણીનું આયોજન કરવાની દરખાસ્ત કરવામાં આવી છે. અસદુદ્દીન ઓવૈસીએ કહ્યું હતું કે સંસ્થાનવાદ, સામંતશાહી અને નિરંકુશતા સામે પૂર્વ હૈદરાબાદ રાજ્યના લોકોનો સંઘર્ષ માત્ર જમીનના ટુકડાને મુક્ત કરવાને બદલે રાષ્ટ્રીય એકતાનું પ્રતીક હતું. અગાઉ કેન્દ્રએ કહ્યું હતું કે તેણે ૧૭ સપ્ટેમ્બરથી હૈદરાબાદની આઝાદીના ૭૫ વર્ષની ઉજવણી કરવાનો ર્નિણય લીધો છે. આ તારીખ મહત્વપૂર્ણ છે કારણ કે હૈદરાબાદ રાજ્ય ૧૯૪૮ માં નિઝામના શાસન હેઠળ ૧૭ સપ્ટેમ્બરના રોજ ભારતીય સંઘમાં ભળી ગયું હતું.
