મુંબઈ
ચાર વર્ષના લાંબા બ્રેક પછી મોટા સ્ક્રિન પર પાછા ફરેલા શાહરૂખ પાસે ઈન્ટ્રેસ્ટિંગ પ્રોજેક્ટ્સ છે. સાઉથના ફેમસ ડિરેક્ટર એટલીની ફિલ્મ જવાનમાં શાહરૂખનો લીડ રોલ છે. રિસેન્ટલી રિલીઝ થયેલા ફર્સ્ટ લૂક ટીઝરને જાેતાં આ ફિલ્મ એક્શનથી ભરપૂર હોવાનું કહેવાય છે. ફિલ્મમાં દીપિકા પાદુકોણનો કેમિયો હોવાના રિપોર્ટે સસ્પેન્સ ઊભું કર્યું છે. જવાનના પ્લોટને જાેયાં પછી અનેકને ઓમ શાંતિ ઓમની યાદ આવી ગઈ છે, જેમાં શાહરૂખ મોતનો બદલો લઈ રહ્યો છે. જવાનમાં શાહરૂખની સાથે નયનતારા, સાન્યા મલહોત્રા, પ્રિયામણી અને સુનિલ ગ્રોવર મહત્ત્વના રોલમાં છે. ફિલ્મની કાસ્ટમાં દીપિકા પાદુકોણ નથી, પરંતુ તેનો કેમિયો રીસેન્ટલી ફાઈનલ થયો છે. જવાનમાં દીપિકા શાહરૂખની વાઈફનો રોલ કરવાની છે. રિપોર્ટ્સ મુજબ, દીપિકાની હત્યા થાય છે અને તેનો બદલો લેવા શાહરૂખે શરૂ કરેલા યુદ્ધની કથા જવાનમાં છે. ઓમ શાંતિ ઓમમાં શાહરૂખના કેરેક્ટરનો પુનઃજન્મ થાય છે અને તેને પોતાનું પાછલું જીવન યાદ આવે છે. શાંતિની હત્યા મુકેશ ખન્ના (અર્જુન રામપાલ) દ્વારા થઈ હતી અને તેનો બદલો લેવાનો પ્લાન ફિલ્મની સ્ટોરી છે. દીપિકા ઉપરાંત ફિલ્મના મેકર્સે વિજય સેતુપતિનો સમાવેશ કર્યો છે. અગાઉ ફિલ્મમાં વિલનનો રોલ રાણા દુગ્ગુબાટી કરવાનો હતો, પરંતુ હવે તેને રીપ્લેસ કરી વિજય સેતુપતિને લેવામાં આવ્યો છે. થોડા સમય પહેલા વિજય થલપતિનો કેમિયો પણ નક્કી થયો હતો. આમ, જવાનની કાસ્ટમાં એક પછી એક એટ્રેક્શન ઉમેરાઈ રહ્યા છે. જવાનમાં શાહરૂખનો લૂક સાવ નવો છે, પરંતુ ફિલ્મના પ્લોટમાં કેટલી નવીનતા જાેવા મળે છે તે જાેવું રહ્યું. જવાન ઉપરાંત શાહરૂખ પાસે રાજકુમાર હિરાનીની ડન્કી, એટલી કુમાર સાથે જવાન અને સલમાન ખાન સાથે ટાઈગર ૩ છે.
