મુંબઈ
અભિનેત્રી રિચા અને અલીની પહેલી મુલાકાત ૨૦૧૨માં ‘ફુકરે’ના સેટ પર થઈ હતી અને પછી તરત જ તેઓ ડેટિંગ કરવા લાગ્યા હતા. અલીએ ૨૦૧૯માં રિચાને પ્રપોઝ કર્યું હતું અને તેઓ ૨૦૨૦માં લગ્ન કરવાના હતા, પરંતુ રોગચાળાએ તેમના લગ્નની યોજનાને ૨૦૨૨ સુધી ધકેલી દીધી હતી. પરંતુ હવે બંને લગ્નના બંધનમાં બંધાવા માટે તૈયાર છે. હા, એ જાેવાનું રહેશે કે કોરોના મહામારીના સમયે થવા જઈ રહેલા રિચા ચઢ્ઢા અને અલી ફઝલના લગ્નમાં બોલિવૂડના કયા લોકો હાજરી આપી શકે છે. આ લગ્ન સંપૂર્ણપણે મર્યાદિત રાખવામાં આવે છે. પરંતુ ભલે ગમે તે થાય, બંનેની લવસ્ટોરી હવે એક ડગલું આગળ વધી રહી છે અને લગ્ન સુધી પહોંચી રહી છે,રિચા ચઢ્ઢા અને અલી ફઝલ માર્ચ મહિનામાં લગ્ન કરી શકે છે. જાે સૂત્રોનું માનીએ તો ‘ફૂકરે’ કલાકારોએ દિલ્હીમાં યોજાનાર ‘ફૂકરે’ના ત્રીજા ભાગના શૂટિંગ દરમિયાન લગ્ન કરવાની યોજના બનાવી છે. એવું જાણવા મળ્યું છે કે આ કપલ લગ્ન માટે મુંબઈ જશે અને પછી ફિલ્મના શૂટિંગ માટે પરત ફરશે. અલી ફઝલ અને રિચા ચઢ્ઢા એપ્રિલ ૨૦૨૦માં લગ્ન કરવાના હતા, પરંતુ કોરોના રોગચાળાને કારણે તેઓએ લગ્ન મોકૂફ રાખવા પડ્યા હતા. બંને કલાકારો પોતપોતાના કામમાં ખૂબ જ વ્યસ્ત છે અને તેમણે એક પ્રોડક્શન હાઉસ પણ લોન્ચ કર્યું છે. અલી ફઝલ પાસે હોલીવુડની ફિલ્મ ‘ડેથ ઓન ધ નાઈલ’ અને ‘ફુકરે ૩’ સહિત ઘણી ફિલ્મો છે.
