પંજાબ
ખેડૂતોને ખેતીવાડી હેઠળ લાભ આપવા માટે પંજાબ સરકાર દ્વારા વીડીએસ સ્કીમ ચલાવવામાં આવી રહી છે. આ હેઠળ ઓછા ખર્ચે ખેતીવાડી મોટરોનો લોડ વધારવા માટે મંડલ બંગા પાવરકૉમના સીનિયર કાર્યકારી એન્જિનિયર સુવિકાસ પાલની આગેવાનીમાં એસડીઓ આશિષ સિંગલા દ્વારા વિશેષ કેમ્પનુ આયોજન કરવામાં આવ્યુ. પાવર-કૉમ કાર્યાલયમાં લગાવવામાં આવેલ આ કેમ્પમાં અલગ-અલગ ગામોમાંથી આવેલા ખેડૂતોને સરકાર દ્વારા ચલાવવામાં આવી રહેલી વીડીએસ સ્કીમ હેઠળ કૃષિ મોટરનો લોડ વધારવા માટે જાગૃત કરવામાં આવ્યા. એસડીઓ આશિષ સિંગલાએ કહ્યુ કે સરકારના આદેશો હેઠળ કોઈપણ ખેડૂત તેના ખેતરમાં લગાવેલી મોટરનો લોડ માત્ર ૨૭૦૦ રૂપિયા પ્રતિ મ્ૐઁના દરે વધારી શકે છે. જે પહેલા મ્ૐઁ દીઠ ૪૯૫૦ રૂપિયા હતો. આ યોજના ૧૦ જૂનથી લાગુ કરવામાં આવી છે અને સરકારના આગામી આદેશો સુધી ચાલુ રહેશે. તેમણે જણાવ્યુ હતુ કે ઉપરોક્ત યોજનાનો લાભ કોઈપણ ખેડૂત જાે કરાર પર જમીન લે અને એફિડેવિટ સ્ટેટમેન્ટ આપીને સરકારી ફી જમા કરાવી ખેતી કરે તો તે મેળવી શકશે. ફિલ્ડ સ્ટાફ દ્વારા વેરિફિકેશન કર્યા બાદ ઓફિસ દ્વારા લોડ નિયમિત કરવામાં આવશે. તેમણે જણાવ્યુ કે આ યોજના અંતર્ગત જાગૃતિ લાવવા માટે ગોસલા, પુનિયા, હિયુન, લધાણા ઉછા, કુલથમ, મસાણી, બહેરામ વગેરે ગામોમાં પણ શિબિરોનુ આયોજન કરવામાં આવ્યુ હતુ. તેમણે કહ્યુ કે જાે કોઈ ખેડૂતને લોડ વધારવામાં મુશ્કેલી પડે તો તે પેટા વિભાગીય કચેરીમાં આવીને માહિતી મેળવી શકે છે.
