ઉત્તરાખંડ કોંગ્રેસની પ્રથમ યાદીમાં માત્ર ૩ મહિલાને ટીકિટ

ઉતરાખંડ
કોંગ્રેસની પ્રથમ યાદીમાં કોંગ્રેસના ટોચના નેતાઓમાંના એક હરીશ રાવતની પુત્રી અને યુથ કોંગ્રેસના નેતા અનુપમા રાવતને ટિકિટ આપવામાં આવી નથી. જાે કે હરીશ રાવતનું નામ પણ પ્રથમ યાદીમાં સામેલ નથી. આ સાથે, પાર્ટીએ બે દિવસ પહેલા કોંગ્રેસમાં પરત ફરેલા હરક સિંહની પુત્રવધૂ અનુકૃતિ ગુસૈનનું નામ સામેલ કર્યું નથી. હરક તેમની પુત્રવધૂ માટે ટિકિટ માંગી રહ્યા છે જ્યારે હરીશ રાવતની પુત્રી અનુપમા પહેલાથી જ ત્રણ બેઠકોનો દાવો કરી રહી છે. તાજેતરમાં જ ભાજપે ઉમેદવારોની પ્રથમ યાદી જાહેર કરી હતી અને દાવો કર્યો હતો કે પાર્ટીએ ૧૦ ટકા મહિલાઓને ટિકિટ આપી છે. જાે કે, ભાજપે ભાજપ મહિલા મોરચાના પ્રદેશ અધ્યક્ષ રિતુ ખંડુરીની ટિકિટ પણ કાપી નાખી હતી, જ્યારે કોંગ્રેસે સરિતા આર્યને ટિકિટ આપી હતી.રાજ્યમાં કોંગ્રેસે પણ પ્રથમ યાદીમાં ત્રણ મહિલા ઉમેદવારોને ટિકિટ આપી છે. કોંગ્રેસે મસૂરીથી ગોદાવરી થાપલીને, ભગવાનપુરથી ધારાસભ્ય મમતા રાકેશ અને રૂદ્રપુરથી મીના શર્માને ટિકિટ આપી છે. જ્યારે પાર્ટીએ રાજ્યની ૫૩ બેઠકો માટે ઉમેદવારોની જાહેરાત કરી છે. જાેકે, કોંગ્રેસના નેતાઓનું કહેવું છે કે પાર્ટીએ હજુ સુધી સંપૂર્ણ યાદી જાહેર કરી નથી અને બાકીની ૧૭ બેઠકો પર પાર્ટી કેટલીક અન્ય મહિલાઓને ટિકિટ આપી શકે છે.આખરે ઘણી મહેનત બાદ કોંગ્રેસે ઉત્તરાખંડ માટે પોતાની પ્રથમ યાદી જાહેર કરી છે. લગભગ દસ દિવસ સુધી રાજ્ય એકમના નેતાઓએ દિલ્હીમાં કેન્દ્રીય નેતૃત્વ સાથે બેઠક કરી અને ત્યારબાદ કોંગ્રેસ હાઈકમાન્ડની દરમિયાનગીરી બાદ કોંગ્રેસે શનિવારે રાત્રે યાદી જાહેર કરી. પરંતુ આશ્ચર્યની વાત એ છે કે ઉત્તર પ્રદેશમાં ૪૦ ટકા મહિલાઓને ટિકિટ આપવાનો દાવો કરતી કોંગ્રેસે ઉત્તરાખંડમાં આ ફોર્મ્યુલા લાગુ કરવાનું ટાળ્યું છે અને ૫૩ બેઠકોમાંથી માત્ર ૩ મહિલાઓને ટિકિટ આપી છે. પાર્ટીએ હરીશ રાવતની પુત્રી અનુપમા રાવત અને હરક સિંહ રાવતની પુત્રવધૂ અનુકૃતિને ટિકિટ આપી નથી. કહેવામાં આવી રહ્યું છે કે આગામી લિસ્ટમાં બંનેને ટિકિટ આપવામાં આવી શકે છે. તાજેતરમાં કોંગ્રેસ મહિલા મોરચાની પ્રદેશ અધ્યક્ષ સરિતા આર્ય પાર્ટી છોડીને ભાજપમાં ગઈ હતી અને ભાજપે તેમને નૈનીતાલ બેઠક પરથી ઉમેદવાર બનાવ્યા છે. સરિતા આર્યએ કોંગ્રેસ પર મહિલાઓની ઉપેક્ષા કરવાનો અને મહિલાઓને ટિકિટ ન આપવાનો આરોપ લગાવ્યો હતો. સરિતાનો આ આરોપ હવે સાચો સાબિત થયો છે. કોંગ્રેસે માત્ર મહિલા નેતાઓને ટિકિટ આપીને હોબાળો મચાવ્યો છે. જ્યારે કોંગ્રેસ પાર્ટી ઉત્તર પ્રદેશમાં ૪૦ ટકા મહિલાઓને ટિકિટ આપવાનો દાવો કરી રહી છે.