સાઉથ-આફ્રિક
પોપ સ્ટાર શકિરા અને સ્પેનિશ ફૂટબોલર ગેરાર્ડ પિકની લવ સ્ટોરી પરી કથાથી કમ નથી. પાછલા ૧૨ વર્ષથી સાથે રહેતાં આ બંને સેલિબ્રિટી વચ્ચે ત્રીજી વ્યક્તિની એન્ટ્રી થતાં સંબંધોમાં તિરાડ પડી છે. રિપોર્ટ્સ મુજબ, શકિરાએ રીસેન્ટલી સ્પેનિશ ફૂટબોલરને ચીટિંગ કરતાં ઝડપી લીધો હતો અને ત્યારથી બંને અલગ-અલગ રહે છે. શકિરા અને ગેરાર્ડ વચ્ચે અણબનાવને હવા આપતી એક ઘટનામાં ગેરાર્ડ બાર્સેલોના ખાતે અલગ ઘરમાં રહે છે. શકિરાએ ઈન્સ્ટાગ્રામ પર ગેરાર્ડના ફોટોગ્રાફ શેર કરવાનું બંધ કરી દેતાં અણબનાવની વાતો વહેતી થઈ હતી. શકિરા અને ગેરાર્ડ બે બાળકોના પેરેન્ટ્સ છે. જેમાંથી સાશા ૭ અને મિલાન ૯ વર્ષનો છે. શકિરાએ મધર્સ ડેની પોસ્ટમાં ફૂટબોલરનો ફોટોગ્રાફ તો ઠીક, ઉલ્લેખ કરવાનું પણ ટાળ્યું હતું. ઉલ્લેખનીય છે કે, ૨૦૧૦ના ફિફા વર્લ્ડ કપ દરમિયાન સાઉથ આફ્રિકામાં બંનેની મુલાકાત થઈ હતી અને તે સમયે શકિરાએ ટુર્નામેન્ટનું થીમ સોન્ગ વાકા-વાકા ગાયું હતું. પ્રથમ મુલાકાત બાદ ટૂંક સમયમાં તેઓ જીવનસાથી બન્યા હતા.
