ઈંગ્લેંડ
ભૂતપૂર્વ કેપ્ટન જાે રૂટે છેલ્લી બે ત્રણ સિઝનનું તેનું ફોર્મ અકબંધ રાખતાં કારકિર્દીની ૨૬મી સદી ફટકારવાની સાથે રવિવારે પ્રવાસી ન્યૂઝીલેન્ડ સામે ઇંગ્લેન્ડને પાંચ વિકેટે શાનદાર વિજય અપાવ્યો હતો. અહીંના લોર્ડ્ઝ ખાતે રમાયેલી સિરીઝની પ્રથમ ટેસ્ટમાં અગાઉના ત્રણ દિવસ બોલર્સના રહ્યા હતા અને બંને ટીમની બેટિંગ કંગાળ રહી હતી પરંતુ રવિવારે ચોથા દિવસે ઇંગ્લેન્ડે તેની બેટિંગના બળે અ ખાસ કરીને જાે રૂટની મદદથી ટેસ્ટ જીતી લીધી હતી. રૂટને મેન ઓફ ધ મેચ જાહેર કરાયો હતો. બંને ટીમનો પ્રથમ દાવ સાવ સસ્તામાં સમેટાઈ ગયા બાદ ન્યૂઝીલેન્ડે બીજા દાવમાં ડેરેલ મિચેલની સદી અને ટોમ બ્લન્ડેલના ૯૬ રનની સહાયથી મક્કમ બેટિંગ કરી હતી અને ૨૮૫ રનનો સ્કોર નોંધાવીને ઇંગ્લેન્ડને ૨૭૭ રનનો ટારગેટ આપ્યો હતો. ઇંગ્લેન્ડે પણ પાંચ વિકેટ સસ્તામાં ગુમાવી દેતાં મેચ રસપ્રદ બની હતી પરંતુ રવિવારે જાે રૂટે કોઈ કસર બાકી રાખી ન હતી. ઇંગ્લેન્ડે પાંચ વિકેટે ૨૧૬ રનના સ્કોરથી તેની ઇનિંગ્સ આગળ ધપાવી હતી અને ચોથા દિવસે વિરામ સમય અગાઉ જ મેચ જીતી લીધી હતી. જાે રૂટ ૧૧૫ રન સાથે અણનમ રહ્યો હતો.
