રશિયાએ યુક્રેનના ખારકિવ શહેરમાં ગેસ પાઈપલાઈન ઉડાવી દીધી

રશિયા
રશિયા અને યુક્રેન વચ્ચે યુદ્ધ વધુ તીવ્ર બની રહ્યું છે. યુક્રેનમાં અત્યાર સુધીમાં લગભગ ૨૦૦ લોકોના મોત થયા છે, જ્યારે યુક્રેને દાવો કર્યો છે કે રશિયામાં ૧૦૦૦થી વધુ લોકોના મોત થયા છે. આ વખતે રશિયન સેનાએ યુક્રેનના બીજા સૌથી મોટા શહેર ખારકિવમાં ગેસ પાઈપલાઇન બોમ્બથી ઉડાવી દીધી છે. યુક્રેનના રાષ્ટ્રપતિ કાર્યાલય દ્વારા માહિતી આપી છે કે, યુક્રેનની રાજધાની કિવ સહિત દેશના મોટા શહેરો પર રશિયાની સૈન્ય કાર્યવાહી ચાલુ છે. કિવના મધ્યમાં શાંતિ હતી. જાેકે, છૂટાછવાયા ગોળીબારનો અવાજ સંભળાતા રહ્યા. બે દિવસની લડાઈ બાદ ફાટી નીકળેલી અથડામણમાં સેંકડો લોકો ઘાયલ થયા છે. હુમલામાં પુલો, શાળાઓ અને એપાર્ટમેન્ટ બિલ્ડીંગોને ભારે નુકસાન પહોંચાડ્યું હતું. અમેરિકી અધિકારીઓ માને છે કે રશિયન પ્રમુખ વ્લાદિમીર પુતિન યુક્રેનની સરકારને ઉથલાવી દેવા અને તેને તાબે કરવા માટે મક્કમ છે. રશિયાનો દાવો છે કે યુક્રેન પર તેના હુમલાનો હેતુ માત્ર સૈન્ય મથકોને નિશાન બનાવવાનો છે. પરંતુ બીજા વિશ્વયુદ્ધ પછી યુરોપની સૌથી મોટી જમીની લડાઈમાં નાગરિકો માર્યા ગયા અને ઘાયલ થયા. રશિયાની સેના યુક્રેનમાં ઝડપથી આગળ વધી રહી છે અને તે કિવને કબજે કરવાના માર્ગ પર છે. કિવમાં કર્ફ્‌યુ સોમવારે સવાર સુધી લંબાવવામાં આવ્યો છે. રશિયન સેના કિવ તરફ આગળ વધી રહી છે. અગાઉ અધિકારીઓએ સાંજે ૫ વાગ્યાથી સવારે ૮ વાગ્યા સુધી કર્ફ્‌યુ લાગુ કરવાની જાહેરાત કરી હતી. પરંતુ બાદમાં સ્પષ્ટતા કરવામાં આવી હતી કે તે શુક્રવાર બપોરથી સોમવાર સવાર સુધી લાગુ રહેશે, જેથી લોકો રવિવારે તેમના ઘરની અંદર રહે. આ ર્નિણય એવા સમયે લેવામાં આવ્યો છે જ્યારે યુક્રેનમાંથી એવા અહેવાલો છે કે શહેરમાં ઘૂસેલા રશિયન સૈનિકોના નાના જૂથો સાથે યુદ્ધ કરી રહ્યા છે. સ્ટેટ સર્વિસ ઑફ સ્પેશિયલ કોમ્યુનિકેશન એન્ડ ઇન્ફર્મેશન પ્રોટેક્શને ચેતવણી આપી હતી કે વિસ્ફોટ “પર્યાવરણીય આપત્તિ” માં પરિણમી શકે છે અને રહેવાસીઓને સલાહ આપી છે કે તેઓ ભીના કપડાંથી તેમની બારીઓ ઢાંકી દે અને પુષ્કળ પ્રવાહી પીવો. તેણે જણાવ્યું કે આ વિસ્ફોટ મશરૂમના વાદળ જેવો દેખાતો હતો. યુક્રેનની ટોચની ફરિયાદી ઈરીના વેનેડિક્ટોવાએ કહ્યું કે રશિયન દળો ખારકિવને કબજે કરી શક્યા નથી અને ત્યાં ભીષણ લડાઈ ચાલી રહી છે. લગભગ ૧.૫ મિલિયન લોકોની વસ્તી ધરાવતું આ શહેર રશિયન સરહદથી ૪૦ કિલોમીટર દૂર છે. આવી સ્થિતિમાં રશિયાનો ઈરાદો યુક્રેનને કબજે કરીને તેનું મનોબળ તોડવાનો છે.