વોશિંગ્ટન
અમેરિકન અભિનેતા જેસન ડેવિડ ફ્રેન્કનું રવિવારે નિધન થયું છે. અહેવાલો અનુસાર, ‘પાવર રેન્જર્સ’ સ્ટાર જેસન ડેવિડ ફ્રેન્ક, જેઓ ટોમી ઓલિવર અથવા ગ્રીન રેન્જર તરીકે જાણીતા છે, તેમનું ૪૯ વર્ષની વયે અવસાન થયું છે. જેસન ડેવિડ ફ્રેન્કના મેનેજર જસ્ટીન હંટે રવિવારે એક નિવેદનમાં જણાવ્યું હતું કે, ફ્રેન્કનું નિધન થયું છે. જાેકે, તેમણે મૃત્યુનું કારણ અને ફ્રેન્ક ક્યારે મૃત્યુ પામ્યા તે અંગે જાણકારી આપી નહોતી, તેમણે કહ્યું “આ ભયાનક સમય દરમિયાન તેના પરિવાર અને મિત્રોની ગોપનીયતા જળવાય, કારણ કે અમે એક અદ્ભુત માનવીને ગુમાવ્યો છે.” માઇટી મોર્ફિન પાવર રેન્જર્સમાં ફ્રેન્ક સાથે બ્લેક પાવર રેન્જરની સહ-અભિનયની ભૂમિકા ભજવનાર વોલ્ટર એમેન્યુઅલ જાેન્સે ઈંસ્ટાગ્રામ પર લખ્યું કે, તે વિશ્વાસ કરી શકતો નથી. જાેન્સે લખ્યું, “અમારા ખાસ પરિવારના અન્ય સભ્યને ગુમાવવાથી મારું હૃદય દુઃખી છે.” ઉલ્લેખનીય છે કે, યલો પાવર રેન્જરની ભૂમિકા ભજવનાર થુય ત્રાંગનું ૨૭ વર્ષની વયે વર્ષ ૨૦૦૧માં કાર અકસ્માતમાં અવસાન થયું હતું. ૧૯૯૩માં માઇટી મોર્ફિન પાવર રેન્જર્સે ફોક્સ પર ડેબ્યૂ કર્યું હતું, જેમાં પાંચ યુવકો પૃથ્વીને દુષ્ટતાથી બચાવતા જાેવા મળ્યા હતા. જાેકે, પ્રથમ સીઝનની શરૂઆતમાં ફ્રેન્કના ટોમી ઓલિવરને સૌપ્રથમ વિલન તરીકે બતાવાયો હતો, જે રીટા રેપલ્સા દ્વારા બ્રેઈનવોશ કરવામાં આવ્યો હતો. પરંતુ તરત જ તેને ગ્રીન રેન્જર તરીકે જૂથમાં સામેલ કરવામાં આવ્યો હતો અને તે શોના સૌથી લોકપ્રિય પાત્રોમાંનો એક બન્યો. સ્પિનઓફ ટીવી સિરીઝમાં ફ્રેન્કનો ટોમી ઓલિવર અન્ય રેન્જર્સ તરીકે પાછો ફર્યો, તેમજ રેડ ઝીઓ રેન્જર, રેડ ટર્બો રેન્જર અને બ્લેક ડિનો રેન્જરનો સમાવેશ થાય છે. તેણે માઇટી મોર્ફિન પાવર રેન્જર્સઃ ધ મૂવી અને ટર્બોઃ એ પાવર રેન્જર્સ મૂવીમાં પણ તેની ભૂમિકા ભજવી હતી અને ૨૦૧૭ રીબૂટ પાવર રેન્જર્સમાં તેણે કેમિયો કર્યો હતો. માર્શલ આર્ટના પ્રેક્ટિશનર ફ્રેન્ક ૨૦૦૯ અને ૨૦૧૦માં ઘણી મિક્સ માર્શલ આર્ટ સ્પર્ધાઓમાં લડ્યા હતા. ઉલ્લેખનીય છે કે, ્સ્ઢ ન્યૂઝના રિપોર્ટ્સ અનુસાર, ફ્રેન્કની બીજી પત્ની ટેમી ફ્રેન્કે ઓગસ્ટમાં તેની પાસેથી છૂટાછેડાની અરજી કરી હતી. ફ્રેન્કને ચાર બાળકો છે. જેમાંથી એક ટેમી ફ્રેન્ક સાથેના તેમના લગ્નમાંથી અને ત્રણ શાવના ફ્રેન્ક સાથેના તેમના પ્રથમ લગ્નમાંથી છે.
