રશિયાએ યુક્રેનના શહેરોને ઘેરતા કિવ પર મિસાઈલ હુમલાનું એલર્ટ

યુક્રેન
કેટલાક દિવસોથી રશિયન દળોએ યુક્રેનિયન શહેરોને ઘેરી લીધા છે અને નાગરિકોને બહાર કાઢવા માટે માનવતાવાદી કોરિડોર બનાવવાના પ્રયાસો નિષ્ફળ ગયા છે. કુલેબાએ કહ્યું કે રાજધાનીમાં નાગરિકો માટે કટોકટી વધી રહી છે અને ખાસ કરીને શહેરના ઉપનગરોમાં પરિસ્થિતિ ગંભીર છે. તેમણે કહ્યું કે, “રશિયા કૃત્રિમ રીતે કિવ ક્ષેત્રમાં માનવતાવાદી કટોકટીનું નિર્માણ કરી રહ્યું છે”. લોકોને બહાર કાઢવામાં અવરોધ અને નાના સમુદાયો પર બોમ્બ ધડાકા થઈ રહ્યા છે. તે જ સમયે, યુક્રેનિયન સૈન્ય અને કિવની આસપાસ સહિતના ઘણા વિસ્તારોમાં લોકોના મજબૂત પ્રતિકારને કારણે રશિયન દળોની આગળ વધવાનું અટકી ગયું છે. યુક્રેન પર આક્રમણ કર્યાના લગભગ બે અઠવાડિયા પછી, જાેકે, રશિયન દળોએ ક્રિમીઆ માટે લેન્ડ બ્રિજ બનાવવા માટે દેશના દરિયાકિનારા પર આગળ આવી ગયા છે. જે મોસ્કોએ ૨૦૧૪માં યુક્રેન પાસેથી લીધો હતો. એઝોવ સમુદ્ર પર મેરીયુપોલ ઘણા દિવસોથી રશિયન સૈનિકો દ્વારા ઘેરાયેલું છે અને ૪૩૦,૦૦૦ લોકોના શહેરમાં માનવતાવાદી કટોકટી વધી રહી છે. શહેરના માર્ગો પર મૃતદેહો પડી રહ્યા છે. ભૂખ્યા લોકો ખોરાકની શોધમાં દુકાનો તોડી રહ્યા છે અને પાણી માટે બરફ પીગળી રહ્યા છે. રશિયન બોમ્બ ધડાકાથી બચવા માટે હજારો લોકોએ ભૂગર્ભ સ્થળોએ આશ્રય લીધો છે. અમેરિકી નિષ્ણાતોનું કહેવું છે કે, અત્યાર સુધીમાં ૪૦૦૦ રશિયન સૈનિકો માર્યા ગયા છે. તે જ સમયે, રશિયાનું કહેવું છે કે, અત્યાર સુધીમાં તેમના લગભગ ૫૦૦ સૈનિકો માર્યા ગયા છે અને લગભગ ૧૬૦૦ સૈનિકો ઘાયલ થયા છે. જાે કે, યુક્રેનના સંરક્ષણ મંત્રાલયનો દાવો છે કે મંગળવાર સવાર સુધીમાં ૧૨,૦૦૦ રશિયન સૈનિક યુદ્ધમાં માર્યા ગયા છે. આ સિવાય યુક્રેનના સૈનિકો વિશે હજુ વધુ માહિતી સામે આવી નથી. પરંતુ યુક્રેન અને અમેરિકા દ્વારા આપવામાં આવેલા આંકડામાં માર્યા ગયેલા રશિયન સૈનિકોની સંખ્યા સતત વધી રહી છેર્‌ તે જ સમયે, યુએનએ સોમવારે કહ્યું કે, ૪૦૬ નાગરિકોના મોત થયા છે અને ૮૦૧ લોકો ઘાયલ થયા છે. તે જ સમયે, સંયુક્ત રાષ્ટ્ર માનવાધિકાર કાર્યાલયનું કહેવું છે કે, યુક્રેનમાં ૧૩૩૫ નાગરિકોને નુકસાન થયું છે જેમાં ૪૭૪ લોકો માર્યા ગયા છે અને ૮૬૧ લોકો ઘાયલ થયા છે. આવી સ્થિતિમાં ૨૪ ફેબ્રુઆરીથી યુક્રેનની સાથે-સાથે રશિયન સેનાને પણ ઘણું નુકસાન થયું છે.યુદ્ધગ્રસ્ત યુક્રેનની રાજધાની કિવમાં બુધવારે વહેલી સવારે હવાઈ હુમલાની ચેતવણી જાહેર કરવામાં આવી હતી અને રશિયન મિસાઈલો છોડવાના ભય વચ્ચે રહેવાસીઓને શક્ય તેટલી વહેલી તકે સુરક્ષિત સ્થળોએ ખસી જવા વિનંતી કરી હતી. તે જ સમયે વ્યૂહાત્મક રીતે મહત્વપૂર્ણ બંદર શહેર માર્યુપોલને કોર્ડન કરવામાં આવ્યું છે. જેનાથી ત્યાં માનવતાવાદી સંકટ વધી રહ્યું છે. કિવ પ્રાદેશિક વહીવટના વડા ઓલેકસી કુલેબાએ હવાઈ હુમલાની ચેતવણી જાહેર કરીને કહ્યું કે, યુક્રેનની રાજધાની પર મિસાઈલ હુમલાનો ભય છે. તેમણે કહ્યું, ‘દરેક વ્યક્તિએ તાત્કાલિક સલામત સ્થળે ખસી જવું જાેઈએ.’ જાેકે, બાદમાં એલર્ટ હટાવી લેવામાં આવ્યું હતું.