બાગપત
પાકિસ્તાનના મંત્રી બિલાવલ ભુટ્ટો ઝરદારીએ વડાપ્રધાન નરેન્દ્ર મોદી પર કરેલી વિવાદાસ્પદ ટિપ્પણીને લઈને સમગ્ર દેશમાં આક્રોશ જાેવા મળી રહ્યો છે. વિવિધ સ્થળોએ બીજેપી નેતાઓ બિલાવલ ભુટ્ટોનો વિરોધ કરી રહ્યા છે. આ ક્રમમાં બાગપતના સ્થાનિક બીજેપી નેતાએ બિલાવલ ભુટ્ટોનું માથું કાપી નાખનારને બે કરોડનું ઈનામ આપવાની જાહેરાત કરી હતી. ભાજપના નેતા મનુ પાલ બંસલે કહ્યું કે જે કોઈ પાકિસ્તાનના વિદેશ મંત્રી બિલાવલ ભુટ્ટોનું માથું લાવશે તેને બે કરોડ રૂપિયાનું ઈનામ આપવામાં આવશે. બાગપત કલેક્ટર કચેરીમાં ભાજપના નેતાઓ પાકિસ્તાનના વિદેશ મંત્રી વિરુદ્ધ કાર્યવાહીની માંગ સાથે પ્રદર્શન કરી રહ્યા હતા. તે જ સમયે ભાજપના નેતા અને જિલ્લા પંચાયત સભ્ય મનુપાલ બંસલે આ નિવેદન આપ્યું હતું. આપને જણાવી દઈએ કે વડાપ્રધાન નરેન્દ્ર મોદી પર અભદ્ર ટિપ્પણી કરનારા પાકિસ્તાનના વિદેશ મંત્રી બિલાવલ ભુટ્ટો સામે કાર્યવાહીની માંગણી સાથે ભાજપના કાર્યકર્તાઓ શનિવારે કલેક્ટર કચેરી પહોંચ્યા હતા. આ દરમિયાન ભાજપના નેતાઓ કલેક્ટર કચેરી પરિસરમાં ધરણા પર બેસી ગયા હતા અને બિલાવલ ભુટ્ટો વિરુદ્ધ સૂત્રોચ્ચાર કર્યા હતા.આ દરમિયાન ભાજપના નેતા અને જિલ્લા પંચાયતના સભ્ય મનુપાલ બંસલે કહ્યું કે જે વ્યક્તિ બિલાવલ ભુટ્ટોનું માથું કાપી નાખશે તેને તેમને બે કરોડ રૂપિયાનું ઈનામ આપશે.
