બેંગલુંરું
૧૩ વર્ષની બાળકીની બહાદુરીએ બીજી બાળકીની જીંદગી બરબાદ થતી બચાવી. ઝારખંડના કોડરમા જિલ્લામાં, એક ૧૩ વર્ષની છોકરીએ તેની સામાન્ય સમજણ બતાવી અને તેની સગીર મિત્રને બાળ લગ્નના ચુંગાલમાં ફસાવવાથી બચાવવા માટે સ્થાનિક અધિકારીઓનો સંપર્ક કર્યો. હકીકતમાં, છોકરીએ સ્થાનિક પ્રશાસનને તેની મિત્રના બાળ લગ્ન વિશે જાણ કરી હતી અને કહ્યું હતું કે તે માત્ર ભણવા માંગે છે, લગ્ન કરવા માંગતી નથી. આ પછી, સ્થાનિક વહીવટીતંત્ર એક્શનમાં આવ્યું અને બાળકીને બાળ લગ્નના ચુંગાલમાં ફસતી બચાવી અને તેને પોતાની કસ્ટડીમાં રાખી. આ ઘટનાની માહિતી મળ્યા પછી, ઝારખંડ હાઈકોર્ટે આ બાબતની સ્વતઃ ધ્યાનમાં લીધી અને જિલ્લા કાનૂની સેવા સત્તામંડળ (ડ્ઢન્જીછ) ને જરૂરી પગલાં લેવાનો નિર્દેશ આપ્યો. હાઈકોર્ટના આ આદેશ બાદ બચાવી લેવામાં આવેલી છોકરીનું નિવેદન નોંધવામાં આવ્યું હતું અને તેને કોડરમા સ્થિત કસ્તુરબા ગાંધી રેસિડેન્શિયલ સ્કૂલમાં દાખલ કરવામાં આવી હતી. આ ઘટના શુક્રવારની છે. ન્યૂઝ એજન્સીમાં છપાયેલા સમાચાર મુજબ, આ ઘટના કોડરમા પોલીસ સ્ટેશન વિસ્તારના બરસોટિયાવાર ગામની છે. શુક્રવારે સગીર છોકરીની મિત્રએ ચાઈલ્ડ હેલ્પલાઈન ૧૦૯૮ પર ફોન કરીને ઘટનાની જાણકારી આપી હતી. ત્યારે જ પોલીસ આ મામલે દાખલ થઈ હતી. પોલીસે બાળકીને બચાવી અને બાળ કલ્યાણ સમિતિને સોંપી અને ત્યારબાદ ડ્ઢન્જીછ, ચાઈલ્ડલાઈન અને સ્થાનિક વહીવટીતંત્રની મદદથી રવિવારે તેને કસ્તુરબા ગાંધી રેસિડેન્શિયલ સ્કૂલમાં દાખલ કરી. રિપોર્ટમાં દાવો કરવામાં આવ્યો છે કે યુવતીએ ૧૦૯૮ પર કોલ કરીને તેની મિત્રના લગ્નની જાણકારી આપી હતી. જે છોકરી નાનપણમાં પરણી જવાની હતી, તે પણ માત્ર ૧૩ વર્ષની છે. તે ભણવા માંગતી હતી, પરંતુ તેના પર લગ્ન કરવા દબાણ કરવામાં આવી રહ્યું હતું. યુવતીએ તેની મિત્રના ઘરનું સરનામું પોલીસને આપ્યું હતું અને તેને બચાવવા માટે આજીજી કરી હતી. આ પછી પ્રશાસને કાર્યવાહી કરી અને બાળકીને બચાવી લીધી. હાઈકોર્ટે પણ આ ઘટનાની નોંધ લીધી હતી અને ત્યારપછી બાળકીને કસ્તુરબા બાલિકા વિદ્યાલયમાં દાખલ કરવામાં આવી હતી. જણાવવામાં આવી રહ્યું છે કે યુવતીના માતા-પિતાએ તેના લગ્ન ગિરિડીહના ૨૨ વર્ષના યુવક સાથે નક્કી કર્યા હતા. પીડિત યુવતી સાતમા ધોરણની વિદ્યાર્થીની છે અને તેને એક મોટો અને એક નાનો ભાઈ છે. તેની ૧૨ વર્ષની નાની બહેન પણ છે.
