ઝારખંડ
એક તરફ દેશ આઝાદીના ૭૫માં વર્ષને અમૃત મહોત્સવ તરીકે ઉજવી રહ્યો છે. તો બીજી તરફ, દેશમાં દરરોજ નવા રેકોર્ડ બનાવવામાં આવી રહ્યા છે. સરકાર કેન્દ્રની હોય કે રાજ્યની, લોકોની પ્રાથમિક સુવિધાઓ પૂરી કરવા માટે જંગી બજેટ ખર્ચે છે. આમ છતાં ઝારખંડના હજારીબાગ જિલ્લાના એક ગામમાં આરોગ્ય સુવિધાના નામે ખાટલાથી બનેલી ડોલી છે. આ ગામના લોકો માટે એમ્બ્યુલન્સ મેળવવી એ એક સ્વપ્ન સમાન છે, આ ખાટલો જ તેમની એમ્બ્યુલન્સ છે, તેની મદદથી ગામના લોકો કોઈને ગંભીર રીતે બીમાર થવા પર અથવા ગર્ભવતી મહિલાને હોસ્પિટલમાં લઈ જવા માટે ઉપયોગ કરે છે. વાસ્તવમાં, આ મામલો હજારીબાગ જિલ્લાના બરટ્ટા બ્લોકના ગોરહર પંચાયતના જવાર પહરપુર ગામનો છે.જ્યાં ચારસો જેટલા પરિવારો વસે છે.જ્યારે જવર પહારપુર ગામ પહાડો પર આવેલું છે જેના કારણે ગામમાં રસ્તાઓ નથી. આવી સ્થિતિમાં કોઈ બીમાર પડે કે પ્રસૂતિ માટે ખાટલામાંથી બનેલી ડોલીમાં સૂવડાવીને હોસ્પિટલ મોકલવામાં આવે છે.તમને જણાવી દઈએ કે આઝાદીના દાયકાઓ પછી પણ આજ સુધી આ ગામમાં રોડ બન્યો નથી. જનપ્રતિનિધિઓ ચૂંટણી સમયે અનેક વચનો આપીને વચનભંગ કરતા હોવાનો ગામના લોકો આક્ષેપ કરે છે. જાણો સમગ્ર મામલો કઈક આ રીતનો છે.. દર વર્ષે ચૂંટણીમાં રોડની સાથે પાયાની સુવિધા આપવાના દાવા પણ કરવામાં આવે છે. પરંતુ આજદિન સુધી આ ગામના લોકોને ન તો રસ્તો મળ્યો છે કે ન તો અન્ય પાયાની સુવિધાઓ મળી છે.આ દરમિયાન ગામના મહેશ ટુડુની પુત્રવધૂને પ્રસૂતિની પીડા ઉપડતાં બેચેની થઈ જતાં તેણે તેને બનાવેલી ડોલી સૂવડાવીને સ્વાસ્થ્ય કેન્દ્ર પર પહોંચાડવામાં આવી. આવી સ્થિતિમાં સ્વાસ્થ્ય કેન્દ્રમાં તૈનાત એએનએમએ મહિલાની હાલત જાેઈ તરત તેની સારવાર શરૂ કરી દીધી. તેમજ મહેશ ટુડૂની પુત્રવધુને પૌત્રી થઈ છે. પરંતુ જે પીડા અને ઉપેક્ષાનો શિકાર આખું ગામ સહન કરી રહ્યું છે. આ દર્દ સંભળાવતા ગામના ઘણા લોકો ગુજરી ગયા. તેમના ગામમાં રોડ બનતો જાેવા એ ઘણા વડીલોનું સ્વપ્ન બનીને રહી ગયું.
