નવીદિલ્હી
ઇંગ્લેન્ડની ટેસ્ટ ટીમનો સુકાની અને ચેન્નાઈ સુપર કિંગ્સનો ઓલરાઉન્ડર બેન સ્ટોક્સ ઇચ્છે છે કે આગામી એશિઝ ટેસ્ટ ક્રિકેટ સિરીઝમાં તે ઓસ્ટ્રેલિયા સામે આક્રમક બોલિંગ દ્વારા ત્રાટકવા માગે છે અને તે માટે તે ટીમનું બોલિંગ આક્રમણ વધુ મજબૂત કરવાની ઇચ્છા ધરાવે છે. જાેકે સાથે સાથે તે અંગ્રેજ હવામાન પર પણ આધાર રાખવા માગે છે. આ સિઝનમાં ઓસ્ટ્રેલિયાની ટીમ એશિઝ માટે ઇંગ્લેન્ડનો પ્રવાસ કરવાની છે. ક્રિકેટમાં એશિઝ અને ભારત-પાકિસ્તાન વચ્ચેની સિરીઝ આ બે જ એવી સિરીઝ છે જેની ઉપર સમગ્ર વિશ્વનું ધ્યાન રહેતું હોય છે. ઇંગ્લેન્ડની ટીમ તેના બાઝબોલ વલણ (બેટિંગમાં વધારાનું આક્રમક વલણ) તો જારી રાખશે જ અને ઓસ્ટ્રેલિયા ઉપર દબાણ લાદવાનું તેનું આ મહત્વનું શસ્ત્ર રહેશે પરંતુ હવે તેઓ આક્રમક બોલિંગ તરફ પણ વલ્યા છે. ઓસ્ટ્રેલિયન ટીમ જૂન મહિનામાં ઇંગ્લેન્ડ પહોંચશે.
