નવીદિલ્હી
લોકપ્રિય ટીવી સિરિયલ ‘ગુમ હૈ કિસી કે પ્યાર મેં’ સ્ટાર પ્લસના એવો શો છે, જે દરરોજ નફરત કરનારાઓના નિશાના પર રહેતો હોય છે. ઘણા સમયથી આ શો અને આ શોના સ્ટાર્સ અને ટીમને ટ્રોલ કરવામાં આવી રહી છે. શોમાં થઈ રહેલા બદલાવને જાેઈને ફેન્સને તે બિલકુલ પસંદ નથી આવી રહ્યું. આમ છતાં, નીલ ભટ્ટ અને આયેશા સિંહનો આ શો ટીઆરપીમાં સતત આગળ વધી રહ્યો છે, આ દરમિયાન સીરિયલ ગુમ હૈ કિસી કે પ્યાર મેં વિશે એક મોટા સમાચાર સામે આવી રહ્યા છે. સ્ટાર પ્લસના લોકપ્રિય શો ગુમ હૈ કિસી કે પ્યાર મેંના સેટ પર શુક્રવારે સાંજે ૪ વાગ્યે આગ લાગી હતી. મુંબઈના ગોરેગાંવમાં આ સિરિયલનો સેટ છે. બીજી ઘણી સિરિયલો પણ નજીકમાં શૂટ થઈ રહી હતી. આગ એટલી પ્રબળ છે કે, તે અન્ય સ્થળોએ પણ પહોંચી રહી છે. આ દરમિયાન અહીં ૧ હજારથી વધુ લોકો હાજર હતા. આગની ઘટનામાં બેદરકારીનો મામલો સામે આવી રહ્યો છે. આગથી બચવા માટે સેટ પર કોઈ ફાયર સેફ્ટી હાજર ન હતી. પ્રાપ્ત માહિતી અનુસાર, આગ બે સિરિયલના સેટને લપેટમાં લીધી છે. બંને સિરિયલનો સેટ શો ‘ગમ હૈ કિસી કે પ્યાર મેં’ના સેટની એકદમ નજીક છે. શો સાથે જાેડાયેલી એક રાહતની વાત એ છે કે, આ સમગ્ર ઘટના દરમિયાન કોઈને ઈજા ન થવાના સમાચાર સામે આવ્યા છે. ફાયર બ્રિગેડની ટીમે સમયસર પહોંચીને બચાવ કાર્ય શરૂ કર્યું હતું. ઓલ ઈન્ડિયા સિને વર્કર્સ એસોસિએશનના પ્રમુખ સુરેશ શ્યામલાલ ગુપ્તાએ આગની ઘટના અંગે માહિતી આપી હતી. તેણે નિર્માતા, ચેનલ અને પ્રોડક્શન હાઉસ સામે એફઆઈઆર દાખલ કરવાની પણ વાત કરી છે. આ સાથે ફિલ્મ સિટીના મેનેજિંગ ડાયરેક્ટર સામે કાર્યવાહી કરવાનો મામલો પણ સામે આવ્યો છે. જે વીડિયો સામે આવ્યો છે તેમાં સેટ પર આગની ઉંચી જ્વાળાઓ અને ધુમાડાના ગોટેગોટા દેખાઈ રહ્યા છે. બહાર લોકોની ભીડ જામી છે અને અરાજકતાનો માહોલ પણ સર્જાયો છે.
