નવીદિલ્હી
૨૪મી એપ્રિલે વડાપ્રધાન નરેન્દ્ર મોદીની કોચીની મુલાકાત દરમિયાન આત્મઘાતી બોમ્બથી હુમલો કરવાની ધમકી આપનાર પત્ર લખનારની પોલીસે ધરપકડ કરી હતી. પોલીસે રવિવારે જણાવ્યું કે આરોપીની ઓળખ ઝેવિયર તરીકે થઈ છે. શનિવારે, કેરળ બીજેપીના વડા કે સુરેન્દ્રને જણાવ્યું હતું કે તેમને ગયા અઠવાડિયે કેરળની મુલાકાતે આવનાર વડા પ્રધાન નરેન્દ્ર મોદીની હત્યાના કાવતરા અંગેનો પત્ર મળ્યો હતો. કોચી શહેર પોલીસ કમિશનર, કે સેતુ રામને કહ્યું, “વડાપ્રધાન વિરુદ્ધ ધમકી પત્ર મોકલનાર વ્યક્તિની ધરપકડ કરવામાં આવી હતી. ગઈકાલે આરોપી ઝેવિયરની ધરપકડ કરવામાં આવી હતી. કારણ અંગત દુશ્મની છે. તેણે આ પત્ર તેના પાડોશીને ફસાવવા માટે લખ્યો હતો. અમે તેને ફોરેન્સિકની મદદથી શોધી કાઢ્યો છે.”
