નવીદિલ્હી
ભોજપુરી સુપરસ્ટાર મોનાલિસા હવે નેશનવાઈડ સેન્સેશન બની ચુકી છે. ભોજપુરી સિનેમાં પર ક્વિનની જેમ રાજ કર્યા બાદ તેણીને બિગ બોસ ૧૦થી જબરદસ્ત લોકપ્રિયતા મળી. ત્યારબાદ અભિનેત્રી ટીવી ઈન્ડસ્ટ્રીનો જાણીતો ચહેરો બની ગઈ છે. નજર જેવા શોમાં પોતાના દમદાર પ્રદર્શનને ભારતીય ટેલીવિઝન દર્શકોને મોહી લીધું છે. હાલ, અભિનેત્રી એકતા કપૂરના શોમાં બેકાબૂ યામિની રુપમાં જાેવા મલી રહી છે અને આ દરમિયાન તેણીએ પોતાના સંઘર્ષને યાદ કર્યુ છે. અભિનેત્રીએ હાલમાં જ એક ઈન્ટરવ્યુમાં પોતાના સંઘર્ષના દિવસોની વાત કરી છે. મોનાલિસા ઉર્ફ અંતરા બિસ્વાસે ખુલાસો કર્યો છે કે તેને જે પ્રોજેક્ટ મળી રહ્યા છે, તે ક્ષેત્રીય સિનેમામાં તેની લોકપ્રિયતાનું કારણ છે. તે રિયાલિટી શો બિગ બોસ ૧૦ની હંમેશા આભારી છે જેને તેણીને પેન ઈન્ડિયા સ્ટાર બનાવી છે. જાેકે, તેની સફર સરળ નથી રહી. જી હાં, તેણીએ સમયાંતરે ઘણી મુશ્કેલીઓનો સામનો કરવો પડ્યો છે. બોલિવૂડ વિશે વાત કરતાં બોજપુરી એક્ટ્રેસે કહ્યુ કે, તેને સાચી તક નથી મળી. હાલમાં જ એક ઈન્ટરવ્યુમાં મોનાલિસાએ ખુલાસો કર્યો છે કે તેણી હંમેશા એક અભિનેત્રી બનવાનું વિચારતી હતી અને તેણે ફક્ત બોલિવૂડમાં તક શોધવાનું શરુ કરી દીધુ હતું. જાેકે, તેને ક્યારેય તે તક ના મળી જે તેણી ઈચ્છતી હતી. અભિનેત્રીએ કહ્યુ, ‘મને કેમેરા સામે રહવુ પસંદ છે અને હું હંમેશા એક કલાકાર બનવા ઈચ્છતી હતી. તેથી જ્યારે મેં શરુઆત કરી, તો મેં બોલિવૂડમાં પોતાની કિસ્મત અજમાવી હતી. પરંતુ, મને તેવી તક નહતી મળી.’ હિન્દી ફિલ્મોમાં આઈટમ ગર્લ બનીને વધારે આવતી પરંતુ ક્યારેય તેને કોઈ મોટો રોલ ઓફર નથી થયો. મોનાલિસાએ આગળ ખુલાસો કર્યો કે જ્યારે બી-ટાઉનમાં તેને ઠીક કામ ના મળ્યુ તો તેણીએ ભોજપુરોી ફિલ્મોમાં કામ કરવાનું શરુ કર્યુ અને ત્યારબાદ તેણીએ ક્યારેય પાછળ ફરીને નથી જાેયું. હવે તેને જે કામ મળી રહ્યુ છે, તેના વિશે વાત કરતા તેણીએ કહ્યુ કે, ‘તે જે એક બેકગ્રાઉન્ડ મળ્યુ, ક્યાંકને ક્યાંક મને તેમના કારણે આ મોકો મળ્યો છે.’ જણાવી દઈએ કે, ભોજપુરી સિવાય મોનાલિસાએ તમિલ અને તેલુગુ સિનેમામાં પણ પોતાની છાપ છોડી છે. જાેકે, તેને લાગે છે કે તે સમયે કોઈનું ધ્યાન નહતું ગયું કારણકે તે સમયે સોશિયલ મીડિયા નહતું. મોનાલિસાએ મિથુન ચક્રવર્તી અને મનોજ તિવારીની ‘ભોલે શંકર’ને ભોજપુરીમાં ડેબ્યુ કર્યુ હતું. અભિનેત્રી કહે છે કે, ‘આ બધું હું કરી ચુકી છુ પરંતુ લોકોએ ઓળખી નહીં. તે સમયે સોશિયલ મીડિયાનો જમાનો એટલો નહતો. અમે તસવીરો લઈને જઈએ છીએ ઓફિસ અને તેઓ પુછે છે તો અમારે જણાવવું પડે છે કે અમે શું કર્યુ છે. આજકાલ તે જમાનો છે કે તમે સોશિયલ મીડિયા પર જાેઈ લો બધું ખબર પડી જાય છે, કેવી દેખાય છે, ડાન્સ, એક્ટિંગ, તમામ વસ્તુ દેખાડે છે. જે પ્લસ પોઈન્ટ છે જે અમારા ટાઈમ પર નહતું. જણાવી દઈએ કે, મોનાલિસા આજે જે મુકામ પર છે, અહીં આવવા માટે તેને ઘણા કઠિન સંઘર્ષોમાંથી પસાર થવું પડ્યુ છે. તેની લાઈફમાં એક સમય એવો પણ હતો જ્યારે તે કોલકાત્તામાં રહીને જ ત્યાંની હોટેલમાં નોકરી કરવા લાગી. તે સમયે તેની ઉંમર ફક્ત ૧૫ વર્ષની હતી અને તેને ૧૨૦ રુપિયા પ્રતિદિન પગાર આપવામાં આવતો હતો.
