નવીદિલ્હી
દિલ્હીના પૂર્વ મંત્રી સત્યેન્દ્ર જૈનની માંગ પર તિહાર જેલ પ્રશાસને બે કેદીઓને તેમની સેલમાં મોકલવા માટે જેલ અધિક્ષકને કારણ બતાવો નોટિસ મોકલી છે. ખરેખરમાં જૈને જેલ નંબર ૭ના સુપરિન્ટેન્ડેન્ટને વિનંતી કરી હતી કે તેઓ એકલતાના કારણે ડિપ્રેશનથી પીડિત છે. તેથી અન્ય બે કેદીઓને તેમની સાથે રાખવા જાેઈએ, જેથી તેઓ તેમની સાથે વાતચીત કરી શકે. સુપરિન્ટેન્ડેન્ટે તેમની માંગ પૂરી કરીને બે લોકોને તેમના સેલમાં ટ્રાન્સફર કર્યા. જાે કે, નોટિસ આવતાની સાથે જ તેણે બંને કેદીઓને તેમના જૂના સેલમાં પાછા મોકલી દીધા હતા. સૂત્રોના જણાવ્યા અનુસાર સુપ્રિટેન્ડેન્ટે જેલ પ્રશાસનને જાણ કર્યા વિના બંને કેદીઓને તેમના સેલમાં ટ્રાન્સફર કરી દીધા હતા, જે નિયમોની વિરુદ્ધ છે. સુપરિન્ટેન્ડેન્ટના આ પગલાથી સુરક્ષા પર પણ સવાલો ઉભા થયા છે.અધિકારીઓના જણાવ્યા અનુસાર જૈને પોતાની અરજીમાં લખ્યું હતું કે તે એકલતાના કારણે ડિપ્રેશન અનુભવી રહ્યા છે. તેમણે કહ્યું કે સેલમાં તેમની સાથે બે કેદીઓને રાખવામાં આવે. તેણે વોર્ડ નંબર ૫ ના બે કેદીઓના નામ પણ આપ્યા હતા જેમની સાથે તે સેલમાં રહેવા માંગે છે. તેમની માંગને તાત્કાલિક સ્વીકારવામાં આવી હતી અને બંને કેદીઓને તેમના સેલમાં ટ્રાન્સફર કરવામાં આવ્યા હતા. જેલ પ્રશાસનના જણાવ્યા અનુસાર સુપ્રિટેન્ડેન્ટે પ્રશાસનને જાણ કર્યા વિના આ ર્નિણય લીધો હતો. નિયમો અનુસાર, જેલ પ્રશાસનને જાણ કર્યા વિના અને તેની પરવાનગી વિના કોઈ પણ કેદીને એક સેલમાંથી બહાર કાઢીને બીજા સેલમાં મોકલી શકાતો નથી. સત્યેન્દ્ર જૈન ગયા વર્ષે જૂનથી તિહારની જેલમાં છે. નવેમ્બરમાં સત્યેન્દ્ર જૈનને જેલમાં વીઆઇપી ટ્રીટમેન્ટ આપવા બદલ જેલ અધિકારીને સસ્પેન્ડ કરવામાં આવ્યા હતા. ઇડીએ કોર્ટમાં જેલના સીસીટીવી ફૂટેજ જમા કરાવ્યા હતા, જેમાં જૈન બોડી મસાજ કરાવતા અને સેલમાં બહારનું ભોજન ખાતા જાેવા મળ્યા હતા. આ દરમિયાન તેના સેલમાં અન્ય કેદીઓ બેઠેલા જાેવા મળ્યા હતા, જેને જેલ પ્રશાસન દ્વારા મંજૂરી આપવામાં આવી ન હતી. તેના પર કેસના અન્ય આરોપીઓને મળીને તપાસને અવરોધ કરવાનો પણ આરોપ હતો.એન્ફોર્સમેન્ટ ડિરેક્ટોરેટ (ઈડી)એ ૨૪ ઓગસ્ટ, ૨૦૧૭ના રોજ સીબીઆઇ દ્વારા દાખલ કરવામાં આવેલી એફઆઇઆરના આધારે જૈન વિરુદ્ધ મની-લોન્ડરિંગની તપાસ શરૂ કરી હતી. તેમની સાથે પૂનમ જૈન, અજીત પ્રસાદ જૈન, સાનિલ કુમાર જૈન, વૈભવ જૈન અને અંકુશ જૈન વિરુદ્ધ પણ કેસ નોંધવામાં આવ્યો હતો. તિહાર જેલમાં દિલ્હી સરકારના મંત્રી સત્યેન્દ્ર જૈન જેની પાસેથી મસાજ કરાવતા હતા તે વ્યક્તિ બળાત્કારના કેસમાં આરોપી છે. જેલમાં મસાજનો વીડિયો સામે આવ્યા બાદ ભાજપે આમ આદમી પાર્ટી અને દિલ્હીના મુખ્યમંત્રી અરવિંદ કેજરીવાલ પર સવાલ ઉઠાવ્યા હતા. જે બાદ દિલ્હીના મુખ્યમંત્રી અરવિંદ કેજરીવાલે કહ્યું હતું કે જૈનની તબિયત ખરાબ છે અને તેમને ફિઝિયોથેરાપી આપવામાં આવી રહી છે. મની લોન્ડરિંગ કેસમાં તિહાર જેલમાં કેદ દિલ્હીના મંત્રી સત્યેન્દ્ર જૈને સામે જેલ સત્તાવાળાઓને ધમકી આપવાના આરોપ લગાવાયા છે. મીડિયા રિપોર્ટ્સ અનુસાર અધિકારીઓએ મંત્રી વિરુદ્ધ ડીજી જેલને ફરિયાદ કરી છે. તેમણે કહ્યું કે જૈન તેમની સાથે જેલમાં ગેરવર્તન કરી રહ્યા છે અને જ્યારે તેઓ જેલમાંથી બહાર આવશે જ્યારે તેમને ગંભીર પરિણામ ભોગવવાની ધમકી આપી રહ્યા છે.
