નવીદિલ્હી
વડાપ્રધાન નરેન્દ્ર મોદી અમેરિકાના ૩ દિવસના પ્રવાસ બાદ હવે ૨ દિવસ ઈજિપ્તની મુલાકાતે છે. જ્યાં, પીએમ મોદીએ ઇજિપ્તના ગ્રેન્ડ મુફ્તી ડૉ. શૌકી ઇબ્રાહિમ આલમ સાથે મુલાકાત કરી હતી. શૌકી પીએમ મોદીને મળીને ખુબ જ ખુશ થયા હતા. તેમણે તેમની તાજેતરની ભારત મુલાકાતનો ઉલ્લેખ કરતા પીએમની આ મુલાકાતથી બંને દેશો વચ્ચેના મજબૂત સંબંધો પર પ્રકાશ પાડ્યો છે આ સાથે તેમણે વડાપ્રધાન નરેન્દ્ર મોદીના નેતૃત્વમાં બહુવચનવાદ પ્રોત્સાહન આપવા માટે થઈ રહેલા કામની પ્રશંસા કરી હતી. પીએમ ઈજિપ્તની મુલાકાતે છે, ત્યારે આજે પીએમના અનેક કાર્યક્રમો યોજાવાના છે. ત્યારે તે પહેલા મોદી અને ગ્રેન્ડ મુફ્તી વચ્ચેની બેઠક દરમિયાન સામાજિક અને ધાર્મિક સૌહાર્દ અને ઉગ્રવાદ અને કટ્ટરવાદ સામે લડવા સંબંધિત મુદ્દાઓ પર ચર્ચા કરવામાં આવી હતી. વડા પ્રધાને જાહેરાત કરી હતી કે ભારત ઇજિપ્તના સામાજિક ન્યાય મંત્રાલય હેઠળ દાર-અલ-ઇફ્તામાં આઇટી સેન્ટર સ્થાપશે. ગ્રેન્ડ મુફ્તી સાથેની મુલાકાત બાદ પીએમ મોદીએ ટિ્વટ કર્યું કે અમે ભારત અને ઇજિપ્તના સંબંધો પર ચર્ચા કરી. તે જ સમયે, મુફ્તીએ કહ્યું કે પીએમ મોદીને મળીને તેઓ સન્માનિત અનુભવી રહ્યા છે. તેમજ તેમણે કહ્યું હતુ કે આ અમારી બીજી મુલાકાત હતી. બે બેઠકો વચ્ચે મેં જાેયું છે કે ભારતમાં ઘણો વિકાસ થયો છે. ભારતમાં વિવિધ ધાર્મિક સમુદાયો વચ્ચે સહ અસ્તિત્વ લાવવા માટે વડા પ્રધાન નરેન્દ્ર મોદી દ્વારા સમજદાર નીતિઓ અપનાવવામાં આવી રહી છે. ઇજિપ્તની મુલાકાત દરમિયાન પીએમ મોદીએ કૈરોમાં ભારતીય સમુદાયના સભ્યો સાથે મુલાકાત કરી હતી. ભારતીય સમુદાયના સભ્યો સાથેની વાતચીતમાં, વડા પ્રધાન નરેન્દ્ર મોદીએ ભારત-ઇજિપ્ત સંબંધોને મજબૂત કરવામાં તેમના યોગદાન માટે સમુદાયની પ્રશંસા કરી હતી. વિદ્યાર્થીઓ ઉપરાંત પ્રોફેશનલ્સ અને બિઝનેસમેન સહિત કુલ ૩૦૦ થી વધુ દ્ગઇૈં ઁસ્ મોદી સાથેની મીટિંગમાં સામેલ થયા હતા.
