નવીદિલ્હી
વડાપ્રધાન નરેન્દ્ર મોદી બ્રિક્સ સમિટમાં ભાગ લેવા માટે દક્ષિણ આફ્રિકાના જાેહાનિસબર્ગ પહોંચ્યા. વડાપ્રધાનનું (ઁસ્ સ્ર્ઙ્ઘૈ) એરપોર્ટ પર દક્ષિણ આફ્રિકાના વાઇસ પ્રેસિડેન્ટ પોલ શિપોકોસા માશાટીલે સ્વાગત કર્યું હતુ. જાેહાનિસબર્ગમાં એરપોર્ટ પર તેમના માટે પરંપરાગત આફ્રિકન નૃત્ય રજૂ કરવામાં આવ્યુ હતુ. તેમનું વિશેષ આધ્યાત્મિક સ્વાગત પણ કરવામાં આવ્યુ હતુ. વડાપ્રધાન મોદી ભારતીય સમુદાયના લોકોને પણ મળ્યા હતા. તેમની વચ્ચે કેટલાક બાળકો પણ હતા, જેઓ વડાપ્રધાન મોદીના સ્વાગત માટે ત્યાં પહોંચ્યા હતા. આ ઉપરાંત ભારતીય સમુદાયની મહિલાઓએ પણ વડાપ્રધાન મોદીને રાખડી બાંધી હતી. વડાપ્રધાન નરેન્દ્ર મોદીએ ખુદ એરપોર્ટ પરથી તેમના સ્વાગતનો વીડિયો ટ્વીટ કર્યો હતો અને તેને તેમના માટે એક ખાસ ક્ષણ ગણાવી હતી. દક્ષિણ આફ્રિકાના પ્રવાસે જતા પહેલા વડાપ્રધાન મોદીએ કહ્યું કે તેઓ દક્ષિણ આફ્રિકાના રાષ્ટ્રપતિ સિરિલ રામાફોસાના આમંત્રણ પર બ્રિક્સ સમિટમાં ભાગ લેવા જઈ રહ્યા છે. દક્ષિણ આફ્રિકા ૧૫મી મ્ઇૈંઝ્રજી સમિટની અધ્યક્ષતા કરી રહ્યું છે અને તે જાેહાનિસબર્ગમાં યોજાઈ રહ્યું છે. વડાપ્રધાન મોદીએ જણાવ્યું કે બ્રિક્સ ઘણા ક્ષેત્રો માટે મજબૂત સહયોગ એજન્ડા અપનાવી રહ્યું છે. અમે મૂલ્યાંકન કરીએ છીએ કે બ્રિક્સ એ બહુપક્ષીય પ્રણાલીના વિકાસ અને સુધારાની આવશ્યકતાઓ સહિત સમગ્ર ગ્લોબલ સાઉથની ચિંતાના મુદ્દાઓ પર ચર્ચા અને વિચાર-વિમર્શ માટેનું એક મંચ બની ગયું છે. વડાપ્રધાન મોદીએ જણાવ્યું કે, ‘આ સમિટ બ્રિક્સને ભવિષ્યના સહયોગના ક્ષેત્રોને ઓળખવા અને સંસ્થાકીય વિકાસની સમીક્ષા કરવા માટે ઉપયોગી તક પૂરી પાડશે. જાેહાનિસબર્ગમાં મારા પ્રવાસ દરમિયાન, હું બ્રિક્સ-આફ્રિકા આઉટરીચ અને બ્રિક્સ પ્લસ ડાયલોગ ઇવેન્ટ્સમાં પણ ભાગ લઈશ જે બ્રિક્સ સમિટ પ્રવૃત્તિઓના ભાગ રૂપે આયોજિત કરવામાં આવશે. હું ઘણા અતિથિ દેશો સાથે વાર્તાલાપ કરવા આતુર છું જેમને આ કાર્યક્રમમાં ભાગ લેવા માટે આમંત્રિત કરવામાં આવ્યા છે.
