નવીદિલ્હી
ગીઝાના આઇકોનિક ગ્રેટ પિરામિડ પ્રાચીન વિશ્વની સાત અજાયબીઓમાંથી એક છે. આજે રવિવારે વડાપ્રધાન નરેન્દ્ર મોદીએ તેની મુલાકાત લીધી હતી, જેનું નિર્માણ ૪૦૦૦ વર્ષ પહેલાં પ્રાચીન ઇજિપ્તના ત્રણ રાજાઓએ કર્યું હતું. તેને ઈ.સ. પૂર્વે ૨૬મી સદીની શરૂઆતમાં બાંધવામાં આવ્યું હતું, લગભગ ૨૭ વર્ષના સમયગાળામાં પિરામિડ એ પ્રાચીન વિશ્વની સાત અજાયબીઓમાં સૌથી જૂની છે, અને એકમાત્ર અજાયબી છે જે મોટાભાગે અકબંધ રહી છે.કૈરો શહેરની બહાર ગીઝા નેક્રોપોલિસમાં સ્થિત છે, ઉત્તર ઇજિપ્તમાં અલ-જીઝાહ (ગીઝા) નજીક નાઇલ નદીના પશ્ચિમ કિનારે ખડકાળ ઉચ્ચપ્રદેશ પર ત્રણ ચોથા રાજવંશના પિરામિડ ઉભા કરવામાં આવ્યા છે, જે માનવ જીવનમાં એક ગૌરવપૂર્ણ સમય દર્શાવે છે. ગીઝાનો ગ્રેટ પિરામિડ એ સૌથી મોટો ઇજિપ્તીયન પિરામિડ છે અને તે ફારુન ખુફુની કબર તરીકે જાણીતી છે, જેણે જૂના રાજ્યના ચોથા રાજવંશ હેઠળ શાસન કર્યું હતું.મેમ્ફિસ વિસ્તારના પ્રાચીન અવશેષો, જેમાં ગીઝાના પિરામિડ – ખુફુ, ખફ્રે અને મેનકૌરેનો સમાવેશ થાય છે. વર્ષ ૧૯૭૯ માં યુનેસ્કો વર્લ્ડ હેરિટેજ સાઇટ તરીકે સામૂહિક રીતે નિયુક્ત કરવામાં આવ્યા હતા. પિરામિડ એક વિશાળ સંકુલનો એક ભાગ છે જેમાં મંદિરો, દફન કબરો અને વધુનો સમાવેશ થાય છે, પ્રાચીન ઇજિપ્તના રાજાઓ ખુફુ, ખાફ્રે અને મેનકૌરે દ્વારા બનાવવામાં આવ્યા હતા. તે અંદાજિત ૨.૩ મિલિયન મોટા બ્લોકની ખોદકામ કરીને બનાવવામાં આવ્યું હતું, જેનું કુલ વજન ૬ મિલિયન ટન હતું. યુ.એસ.ની સફળ મુલાકાત બાદ વડાપ્રધાન મોદીએ ઇજિપ્તની તેમની બે દિવસીય મુલાકાતના બીજા દિવસે પિરામિડની મુલાકાત લીધી હતી. ઇજિપ્તના વડાપ્રધાન મુસ્તફા મેડબૌલી એ આ મુલાકાત બાદ વડાપ્રધાન મોદીને સ્મૃતિચિન્હ પણ આપ્યું હતું.
