દિલ્હી
કેન્દ્રીય મંત્રી સ્મૃતિ ઈરાનીએ બુધવારે કોંગ્રેસના નેતા રાહુલ ગાંધી પર ગંભીર પ્રશ્નો ઉઠાવ્યા. તેમણે કહ્યું કે પોતાનું ભાષણ પૂરું કરીને સંસદની બહાર જતા સમયે રાહુલ ગાંધીએ મહિલા સાંસદોને નિશાન બનાવીને ફ્લાઈંગ કિસના ઈશારા કર્યા હતા. લોકસભામાં બોલતા કેન્દ્રીય મહિલા અને બાળ વિકાસ મંત્રી સ્મૃતિ ઈરાનીએ કહ્યું કે, મારી પહેલા જેમને અહીં બોલવાનો મોકો મળ્યો તેમણે આજે અનાદર દર્શાવ્યો છે. ભાષણ પૂરું કર્યા પછી તેણે અભદ્ર વર્તન કર્યું. તેમણે સંસદમાં ફ્લાઈંગ કિસ ફેંકી જેમાં મહિલાઓ પણ બેઠી છે. આવું વર્તન માત્ર એક સ્ત્રી દ્વેષી માણસ જ કરી શકે છે. બીજેપી સાંસદ પૂનમ મહાજને કહ્યું કે આજે ગૃહમાં રાહુલ ગાંધીએ જે કૃત્ય કર્યું છે તે અસંસદીય છે. અમે આનો વિરોધ કરીએ છીએ અને લોકસભા સ્પીકરને ફરિયાદ કરવામાં આવશે. આ પછી મહિલા સાંસદોના એક જૂથે લોકસભા સ્પીકરને આ કૃત્યની ફરિયાદ કરી હતી.
