નવીદિલ્હી
ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (ડ્ઢઇર્ડ્ઢં) એ નવી પેઢીની બેલિસ્ટિક મિસાઈલ અગ્નિ પ્રાઇમનું સફળ પરીક્ષણ કર્યું છે. ઓડિશાના દરિયાકાંઠે આવેલા ડૉ. એપીજે અબ્દુલ કલામ દ્વીપ પરથી તેનું પરીક્ષણ કરવામાં આવ્યું હતું. સંરક્ષણ મંત્રાલયના જણાવ્યા અનુસાર તેનું પરીક્ષણ સફળ રહ્યું હતું. મિસાઇલના ત્રણ પરીક્ષણો મુજબ આ પ્રથમ પ્રી-ઇન્ડક્શન નાઇટ લોન્ચિંગ હતું. મિસાઇલના ત્રણ સફળ વિકાસ પરીક્ષણો પછી વપરાશકર્તાઓ દ્વારા હાથ ધરવામાં આવેલ આ પ્રથમ પ્રી-ઇન્ડક્શન નાઇટ પ્રક્ષેપણ હતું, જે સિસ્ટમની ચોકસાઈ અને વિશ્વસનીયતાને માન્ય કરે છે. રેન્જ ઇન્સ્ટ્રૂમેન્ટેશન જેમ કે રડાર, ટેલિમેટ્રી અને ઇલેક્ટ્રો-ઓપ્ટિકલ ટ્રેકિંગ સિસ્ટમ્સ વિવિધ સ્થળોએ તૈનાત કરવામાં આવી હતી, જેમાં બે ડાઉન-રેન્જ વેસલ્સનો સમાવેશ થાય છે, જેથી વાહનના સમગ્ર માર્ગને આવરી લેતી ફ્લાઇટ ડેટા મેળવવામાં આવે. ડૉ. સમીર વી. કામત, ડ્ઢઇર્ડ્ઢંના અધ્યક્ષે, ડ્ઢઇર્ડ્ઢં પ્રયોગશાળાઓની ટીમો અને પરીક્ષણમાં સામેલ લોકોની પ્રશંસા કરી. તમારી જાણકારી માટે તમને જણાવી દઈએ કે આ પરીક્ષણ ડ્ઢઇર્ડ્ઢં અને સ્ટ્રેટેજિક ફોર્સ કમાન્ડના અધિકારીઓએ જાેયું હતું. આ પરીક્ષણની સફળતા સાથે આ બેલેસ્ટિક મિસાઈલને સૈન્ય શસ્ત્રમાં સામેલ કરવાનો રસ્તો વધુ સાફ થઈ ગયો છે. આ સાથે જ રક્ષા મંત્રી રાજનાથ સિંહે નવી પેઢીની બેલેસ્ટિક મિસાઈલ અગ્નિ પ્રાઇમની સફળતા માટે તેમજ કોપી-બુક પ્રદર્શન માટે ડીઆરડીઓ અને સશસ્ત્ર દળોને અભિનંદન પાઠવ્યા છે. અત્રે ઉલ્લેખનીય છે કે, અગ્નિ પ્રાઇમ મિસાઈલ અગ્નિ શ્રેણીની નવી પેઢીની મિસાઈલ છે. તેનું વજન ૧૧૦૦૦ કિલોની આસપાસ જણાવવામાં આવી રહ્યું છે. તેની ક્ષમતાની વાત કરીએ તો તે ૨૦૦૦ કિમી અંતરનું લક્ષ્ય હાંસલ કરી શકે છે.
