નવીદિલ્હી
ૈંઁન્ ૨૦૨૩ માંથી પહેલાથી જ બહાર આવેલી દિલ્હી કેપિટલ્સે અન્ય ટીમોની રમત બગાડવાનું શરૂ કરી દીધું છે, અને પંજાબ કિંગ્સ તેનો પહેલો શિકાર બન્યો છે. ધરમશાલામાં બુધવારે ૧૭ મેના રોજ આ સિઝનની પ્રથમ મેચમાં, દિલ્હીએ જબરદસ્ત બેટિંગ બાદ મજબૂત બોલિંગનું પ્રદર્શન કર્યું અને પંજાબને ૧૫ રનથી હરાવ્યું. જાેકે, આ દિલ્હીની પાંચમી જીત છે, પરંતુ તેનાથી પંજાબની પ્લેઓફમાં પહોંચવાની આશાને મોટો ઝટકો લાગ્યો છે. પંજાબના બોલરો કોઈ અસર છોડી શક્યા નહોતા, આવી સ્થિતિમાં તમામ જવાબદારી બેટ્સમેનોની હતી. જાેકે, શરૂઆતમાં જ તેનો પાયો હચમચી ગયો હતો. ખલીલ અહેમદની પહેલી ઓવર મેડન નીકળી, બીજી ઓવરમાં કેપ્ટન શિખર ધવન ઈશાંત શર્માના પહેલા બોલ પર આઉટ થયો. ગત મેચમાં સદી ફટકારનાર પ્રભાસિમરન આ વખતે ખુલીને રમી શક્યો નહોતો. જાેકે, તેણે અથર્વ તાઈડે સાથે ૫૦ રનની ભાગીદારી કરી હતી, પરંતુ તે પણ સાતમી ઓવરમાં ચાલ્યો ગયો હતો. દિલ્હીને અહીં મેચ પર કબજાે કરવાની તક મળી હતી. આઠમી ઓવરમાં કુલદીપ યાદવના બોલ પર લિયામ લિવિંગ્સ્ટનનો આસાન કેચ પડ્યો હતો. તે જ સમયે, ૧૦મી ઓવરમાં અથર્વ પણ કુલદીપના જ બોલ પર એક આસાન કેચ ચૂકી ગયો. આ માટે બંનેએ દિલ્હીને સજા આપી. તેમની વચ્ચે ૭૮ રનની ભાગીદારી થઈ હતી. આ દરમિયાન તાઈડે પણ અડધી સદી ફટકારી હતી પરંતુ તે ટીમની ખાતર નિવૃત્ત થઈ ગયો હતો. પંજાબને છેલ્લી ૫ ઓવરમાં ૮૬ રનની જરૂર હતી પરંતુ ૧૫મી અને ૧૬મી ઓવરમાં ટીમે જીતેશ શર્મા અને શાહરૂખ ખાનની વિકેટ ગુમાવી દીધી હતી. લિવિંગ્સ્ટન જાેકે સ્થિર રહ્યો અને તેણે પોતાની અડધી સદી પૂરી કરી. તેણે ૧૭મી અને ૧૮મી ઓવરમાં ૪૧ રન બનાવ્યા હતા. સેમ કરણ પણ તેને સાથ આપી રહ્યો હતો. જાેકે, ૧૯મી ઓવરમાં એનરિક નોરખિયાએ કરણને બોલ્ડ કર્યો હતો. આ પહેલા દિલ્હી કેપિટલ્સે આ સિઝનમાં પોતાનો સૌથી મોટો સ્કોર બનાવ્યો હતો. પ્રથમ બેટિંગ કરતા દિલ્હીએ ૨ વિકેટ ગુમાવીને ૨૧૩ રન બનાવ્યા હતા. ટીમે આ સિઝનમાં પ્રથમ વખત ૨૦૦નો આંકડો પાર કર્યો હતો. તેના શાનદાર પ્રદર્શનનું કારણ ઓપનિંગ જાેડી હતી, જેમાં પૃથ્વી શો ડેવિડ વોર્નર સાથે પરત ફર્યો હતો. ૬ મેચ રમીને પરત ફરેલા શૉએ આ સિઝનમાં તેની પ્રથમ અડધી સદી ફટકારી હતી. વોર્નર અને શો વચ્ચે ૧૦ ઓવરમાં ૯૪ રનની ભાગીદારી થઈ હતી, જેણે દિલ્હીને ઉત્તમ આધાર આપ્યો હતો. આ પછી, ફક્ત રિલે રુસોનો શો ચાલ્યો. આ ડાબા હાથના બેટ્સમેને તેની ૈંઁન્ કારકિર્દીની પ્રથમ અડધી સદી પણ ફટકારી હતી. રુસોએ માત્ર ૩૭ બોલમાં ૮૨ રન ફટકારીને ટીમને ૨૧૩ રન સુધી પહોંચાડી દીધી હતી. આ સાથે જ ફિલ સોલ્ટે પણ માત્ર ૧૪ બોલમાં ૨૬ રન બનાવ્યા હતા.
