ગ્રેટર નોઇડા
યુપીના ગ્રેટર નોઈડાની ગોલ્ફ ગાર્ડેનિયા સોસાયટીમાં લગભગ ૧.૫ કલાક સુધી લોકોના શ્વાસ અટકી ગયા હતા. સોસાયટીની લિફ્ટમાં દોઢ કલાક સુધી લોકો અટવાયા હતા. બાદમાં ફાયર બ્રિગેડની મદદથી તેને બહાર કાઢવામાં આવ્યા હતા. આ ઘટના ગ્રેટર નોઈડાના બીટા વિસ્તાર પોલીસ સ્ટેશનની આલ્ફા ગોલ્ફ ગાર્ડેનિયા સોસાયટીમાં બની હતી. લગભગ ૧.૫ કલાક સુધી લોકો લિફ્ટમાં ફસાયા હતા. આ અંગે જાણ થતાં જ ફાયર ઓફિસરે તાત્કાલિક કાર્યવાહી કરી હતી અને લિફ્ટમાંથી ૮ લોકોને બહાર કાઢવામાં આવ્યા હતા. ગ્રેટર નોઈડામાં ફાયર ઓફિસર ઈન્દરપાલ સિંહે જણાવ્યું કે તેમની ટીમે રાહત કાર્ય કર્યું. ગોલ્ફ ગાર્ડેનિયા સોસાયટીમાં લિફ્ટ ફસાઈ જવાના અને લોકો તેમાં બેઠેલા હોવાના અહેવાલ મળ્યા હતા. જે બાદ ટીમ ઘટનાસ્થળે પહોંચી અને લોકોને લિફ્ટમાંથી બહાર કાઢ્યા. તમને જણાવી દઇએ કે ગોલ્ફ ગાર્ડેનિયા સોસાયટીની લિફ્ટમાં ૮ લોકો સવાર હતા. ત્યારે અચાનક લિફ્ટ ફસાઈ ગઈ અને તેમાં હાજર લોકો ડરી ગયા. તેણે અંદરથી લિફ્ટ ખોલવાનો ઘણો પ્રયાસ કર્યો પરંતુ તે સફળતા મળી ન હતી. ત્યારબાદ લિફ્ટ ફસાઈ જવાની જાણ ફાયર બ્રિગેડને કરવામાં આવી અને બચાવ કામગીરી શરૂ કરવામાં આવી. મળતી માહિતી મુજબ લિફ્ટમાં ફસાયેલા ૮ લોકોમાં બાળકો અને વૃદ્ધ બંનેનો સમાવેશ થાય છે. દોઢ કલાક સુધી લિફ્ટમાં ફસાયેલા રહ્યા તે દરમિયાન તેમણે હિંમત જાળવી રાખી હતી. ફાયર બ્રિગેડની ટીમના સભ્યોએ પણ તેને પ્રોત્સાહિત કર્યા કે તેને કંઈ નહીં થાય. લિફ્ટ ખોલીને તેમને બહાર કાઢવામાં આવશે. કેમ ફસાઈ ગઈ લિફ્ટ?.. તેનું કારણ જાણો… અત્રે ઉલ્લેખનીય છે કે, નોઇડા અને ગ્રેટર નોઇડામાં ઘણી હાઇરાઇઝ એપાર્ટમેન્ટની બિલ્ડીંગો છે. તેમાં મોટી સંખ્યામાં લોકો રહે છે. બિલ્ડરોની બેદરકારીના કિસ્સાઓ સામે આવતા રહે છે. યોગ્ય જાળવણીના અભાવે લિફ્ટમાં ખામી સર્જાઈ હોવાનું માનવામાં આવે છે.જાે કે લિફ્ટ કેમ ફસાઈ ગઈ તે તપાસનો વિષય છે.
