નવીદિલ્હી
ઉત્તર ભારતના તમામ રાજ્યોમાં આ દિવસોમાં વરસાદને કારણે ગરમીથી રાહત મળી છે. મે મહિનામાં જ્યાં લોકોને આકરી ગરમીનો સામનો કરવો પડે છે, ત્યારે ઉત્તર ભારતના રાજ્યોમાં વરસાદને કારણે વાતાવરણ ખુશનુમા બની ગયું છે. હવામાન વિભાગના જણાવ્યા અનુસાર તાજા વેસ્ટર્ન ડિસ્ટર્બન્સની અસરને કારણે વરસાદનો આ સમયગાળો જાેવા મળી રહ્યો છે. હવામાન વિભાગ દ્વારા આપવામાં આવેલી માહિતી અનુસાર, આ વેસ્ટર્ન ડિસ્ટર્બન્સની અસર આજે પણ યથાવત રહેની સંભાવના જાેવા મળી રહી છે. દિલ્હી-એનસીઆરમાં શનિવારે સવારે ભારે પવન સાથે મુશળધાર વરસાદને કારણે હવામાનની પેટર્ન બદલાઈ ગઈ છે. હવામાન વિભાગના જણાવ્યા અનુસાર, આગામી બે કલાક સુધી દિલ્હી-એનસીઆરમાં હવામાનની પેટર્ન આ રીતે રહેશે. તે જ સમયે, ખરાબ હવામાનના કારણે ઓછી વિઝિબિલિટીના કારણે વિમાનના સંચાલનને પણ અસર થઈ છે. આકરી ગરમીના કારણે તાપમાન ૪૨-૪૩ને પાર કરતું હતું. આ પછી તાપમાનનો પારો પણ ૪૫-૪૬ ડિગ્રીને આંબી ગયો હતો. પરંતુ ૨૩ મેથી હવામાનમાં પલટો આવ્યો હતો. ગુરુવારે હળવો વરસાદ અને વાવાઝોડાના કારણે વાતાવરણ ખુશનુમા બની ગયું હતું. હવામાન વિભાગના જણાવ્યા અનુસાર આજે દિલ્હીમાં વાદળછાયું વાતાવરણ રહેવાની શક્યતા છે. આ સાથે એવું પણ કહેવામાં આવ્યું હતું કે કેટલીક જગ્યાએ વરસાદ પડી શકે છે. શુક્રવારે રાષ્ટ્રીય રાજધાનીમાં મહત્તમ તાપમાન ૩૪.૫ ડિગ્રી સેલ્સિયસ નોંધાયું હતું, જે સામાન્ય કરતાં પાંચ ડિગ્રી ઓછું હતું. ૈંસ્ડ્ઢએ જણાવ્યું હતું કે શુક્રવારે દિલ્હીમાં લઘુત્તમ તાપમાન ૨૦.૫ ડિગ્રી સેલ્સિયસ નોંધાયું હતું, જે સામાન્ય કરતાં છ ડિગ્રી ઓછું હતું. હવામાન વિભાગે જણાવ્યું હતું કે શહેરમાં સાપેક્ષ ભેજનું પ્રમાણ ૮૪ ટકા અને ૪૩ ટકા વચ્ચે હતું. શુક્રવારે દિલ્હીનો એકંદર હવા ગુણવત્તા સૂચકાંક (છઊૈં) ૯૮ નોંધાયો હતો, જે ‘સંતોષકારક’ શ્રેણીમાં આવે છે. ઈન્દિરા ગાંધી એરપોર્ટ ઓથોરિટીએ મુસાફરોને ફ્લાઈટની માહિતી માટે તેમની સંબંધિત એરલાઈન્સનો સંપર્ક કરવાની સલાહ આપી છે. ખરાબ હવામાનના કારણે ફ્લાઇટ ઓપરેશનમાં અવરોધ આવી રહ્યો છે. હવામાનની આગાહી કરતી એજન્સી સ્કાયમેટ અનુસાર, આજે પશ્ચિમ હિમાલયના કેટલાક ભાગોમાં હળવાથી મધ્યમ વરસાદ અને ગાજવીજ સાથે વરસાદ પડી શકે છે. જ્યારે, પશ્ચિમ હિમાલયના ઉપરના વિસ્તારોમાં હળવાથી મધ્યમ હિમવર્ષા થઈ શકે છે. આ સાથે પંજાબ, હરિયાણા અને ઉત્તર રાજસ્થાનના ભાગોમાં એક-બે સ્થળોએ ભારે વરસાદ સાથે હળવાથી મધ્યમ વરસાદની શક્યતા છે. આ સિવાય ઉત્તર-પશ્ચિમ રાજસ્થાન, ઉત્તર મધ્ય પ્રદેશ અને બિહાર, ઝારખંડ અને પશ્ચિમ બંગાળના ભાગોમાં હળવાથી મધ્યમ વરસાદ અને ધૂળની ડમરીઓ આવવાની શક્યતા છે. સિક્કિમ, પૂર્વોત્તર ભારત, ઓડિશા, તટીય આંધ્ર પ્રદેશ, કેરળ, આંતરિક તમિલનાડુ અને દક્ષિણ કર્ણાટકમાં હળવાથી મધ્યમ વરસાદની શક્યતા છે. લક્ષદ્વીપ અને આંદામાન અને નિકોબાર ટાપુઓ પર હળવો વરસાદ શક્ય છે.
