તેલના ૧ લીટર તથા ૧૫ કિલો ટીન પેકિંગ બેચ નંબર કે મેન્યુફેક્ચરીંગ તારીખનો કયાંય ઉલ્લેખ ન હોવાની ઉઠતી રાવ..
ઊના – ઊના તાલુકાના સામતેરમાં આવેલ એક ઓઇલમીલ દ્રારા તેલના પેકિંગમાં લોલમ લોલ ચાલતી હોવાનું બહાર આવેલ જેમાં તેલના ૧ લીટર તથા ૧૫ કિલો ટીન પેકિંગમાં આ મીલના સંચાલકો દ્રારા પેકિંગમાં ક્યાંય બેચ નંબર કે મેન્યુફેક્ચરીંગ તારીખનો ઉલ્લેખ ન હોવાથી લોકોના આરોગ્ય સાથે ચેડા થતાં હોવાની રાવ ઉઠવા પામેલ છે. ત્યારે ફુડ વિભાગ દ્રારા તટસ્થ તપાસ થાય તેવી માંગણી ઉઠવા પામેલ છે. તેમજ આ ઓઇલ મીલ દ્રારા આવો કેટલો જથ્થો વેચાણ અર્થે મુક્યો તેની પણ તપાસ કરવી જોઇએ..
આ અંગે જાણવા મળતી વિગત મુજબ તાલુકાના સામતેર ગામે આવેલ એક ઓઇલમીલ દ્રારા શીંગસ્વાદ નામનું શુધ્ધ સીંગતેલના ૧ લીટર તથા ૧૫ કિલોના ટીનના પેકિંગ બનાવી બજારમાં હોલસેલરોને ત્યાં રીટેલ વેચાણ અર્થે મુકવામાં આવેલ પરંતુ આ તેલના પેકિંગમાં મેન્યુફેક્ચરીંગ તારીખ બેચ નંબર કે નિયમોનુંસાર જે વિગતો લખવાની થતી હોય નિયમોનુસાર ગ્રાહકોના હિત તથા આરોગ્યને નુકસાન ન થાય તે વિગતોનો ક્યાંય ઉલ્લેખ જ થતો હોવાની ફરીયાદ ઉઠવા પામેલ છે. અને આ બાબતે જાગૃત નાગરીક દ્રારા ફ્રુડ વિભાગમાં પણ આ અંગેની રજુઆત કરવા તજવિજ હાથ ધરવામાં આવેલ છે. કેમ કે આ તેલ બજારમાં વેચાણ અર્થે મુક્યુ તો એ તેલનું ઉત્પાદન ક્યારે કર્યુ તે પણ એક સવાલ ઉઠવા પામેલ છે. આમ લોકોનો આરોગ્ય સાથે ચેડા થતા હોવાની રાવ ઉઠવા પામેલ છે. ત્યારે જીલ્લા ફુડ ઇનિસ્પેક્ટર દ્રારા તટસ્થ તપાસ થાય અને આ વેચાણ અર્થે મુકેલ તેલના સેમ્પલ લઇ ચેકિંગ કરવામાં આવે તો સાચી હકીકત બહાર આવે તેમજ આવો તેલનો જથ્થો કેટલો બજારમાં વેચાણ અર્થે મુકવામાં આવ્યો તેની પણ તપાસ થવી જરૂરી…
બોક્ષ્ – અમે ફક્ત સેમ્પલ માટે આ તેલ બજારમાં વેચાણ અર્થે મુક્યુ છે..
આ બાબતે ઓઇલમીલના સંચાલક સાથે વાત કરતા તેમણે જણાવેલ કે અમારી બ્રાન્ડનું તેલ અમે થોડો જથ્થો સેમ્પલ વેચાણ અર્થે મુક્યો છે. હવે પછીના જથ્થામાં બધી વિગત દર્શાવીશું…
બોક્ષ્ – સેમ્પલ અર્થે વેચાણમાં મુકવામાં આવેલ જથ્થો કેટલો ?..
ઓઇલ મીલના સંચાલક દ્રારા સેમ્પલ અર્થે તેલનો જથ્થો માર્કેટમાં વેચાણ અર્થે મુકવામાં આવેલ પરંતુ આ સેમ્પલ અર્થે વેચાણમાં મુકવામાં આવેલ તેલનો જથ્થો કેટલો ? તે પણ તપાસનો વિષય છે.
