ગુજરાત સરકારના શિક્ષણ વિભાગ દ્વારા દર વર્ષે સમગ્ર રાજ્યમાં દરેક જિલ્લામાં શ્રેષ્ઠ ત્રણ શાળા અને રાજ્યની શ્રેષ્ઠ ત્રણ શાળાની પસંદગી કરવામાં આવે છે.વર્ષ 2022-23માં છોટાઉદેપુર જિલ્લા માંથી શ્રેષ્ઠ શાળા તરીકે પ્રથમ નંબર બોડેલીની ખત્રી વિદ્યાલય ઉચ્ચતર માધ્યમિક શાળા એ મેળવેલ છે.શ્રેષ્ઠ શાળા ની પસંદગીમાં વિવિધ 76 પરિમાણો માંથી પસાર થવાનું હોય ત્યારે આ પસંદગી સમિતિમાં જિલ્લા શિક્ષણાધિકારીશ્રી,જિલ્લા પ્રાથમિક શિક્ષણાધિકારી શ્રી,ડાયટ ના પ્રાચાર્ય શ્રી,એસ.વી.એસ કન્વીનરશ્રી તેમજ રાજ્ય શ્રેષ્ઠ શિક્ષક કે આચાર્ય શ્રી એમ છ સભ્યોની સમિતિ દ્વારા નિરીક્ષણ પછી શ્રેષ્ઠ શાળાનું સન્માન મળતા ખત્રી વિદ્યાલય ઉપરોક્ત તમામ પરિમાણો માં ઉત્કૃષ્ટ દેખાવ સાથે પ્રથમ નંબર મેળવતા *જિલ્લા* *શિક્ષણાધિકારી શ્રી છોટાઉદેપુર દ્વારા શાળા ના આચાર્ય અને સમગ્ર ટીમ ને ખૂબ ખૂબ* *અભિનંદન* *પાઠવ્યા.સમગ્ર* જિલ્લામાંથી અભિનંદન ની વર્ષા થઈ રહી છે.શાળાના આચાર્ય શ્રી યુ.વાય.ટપલા ની મુલાકાત લેતા તેઓએ આ સિદ્ધિ પાછળ કેળવણી મંડળનો મારા પર વિશ્વાસ અને સમગ્ર શાળા પરિવાર અને શિક્ષક મિત્રો નો ઉત્સાહ,તેઓની કાર્યનિષ્ઠા ને કારણેજ આજે આ સિદ્ધિ મેળવી છે આ તકે શાળા પરિવારને કેળવણી મંડળ તરફ થી ખૂબ ખૂબ શુભેચ્છાઓ અને આજ રીતે દિન પ્રતિદિન શાળા પ્રગતિ કરે તેવી શુભકામનાઓ પાઠવવામાં આવી.
ઈમરાન મન્સૂરી બોડેલી છોટા ઉદેપુર
