ગુજરાત રાજ્યના અધિક પોલીસ મહાનિદેશકશ્રી સી.આઇ.ડી.ક્રાઇમ અને રેલ્વેઝ, ગુજરાત રાજ્ય ગાંધીનગર દ્વારા રાજ્યમાં ગેરકાયદેસર નાર્કોટીક્સના પદાર્થ, કેફી ઔષધો, મન:પ્રભાવી દ્રવ્યોના ગેરકાયદેસર વેપાર, હેરા-ફેરી, વેચાણ અટકાવવા ખાસ જરૂરી સુચનાઓ આપેલ હોય, જેના ભાગ રૂપે એ.ટી.એસ.ના માર્ગદર્શન હેઠળ માદક પદાર્થના ગેરકાયદેસર વેચાણ અને વહન અંગેના કેસો કરવા અને તેવા પદાર્થ શોધી તેનું ગેરકાયદેસર વેચાણ કરતા ઇસમોને ઝડપી પાડવા અને ગુજરાત રાજ્યને નશા-મુક્ત કરવા અભિયાન હાથ ધરેલ છે.
જે અનુસંઘાને ગૌતમ પરમાર પોલીસ મહાનિરીક્ષકશ્રી ભાવનગર વિભાગ, ભાવનગરનાંઓની જરૂરી સુચનાં અને માર્ગદર્શન હેઠળ અમરેલી પોલીસ અધિક્ષકશ્રી હિમકર સિંહ નાઓએ એસ.ઓ.જી. પોલીસ ઈન્સ્પેક્ટરશ્રી એસ.જી.દેસાઇ, તથા એસ.ઓ.જી. પોલીસ સબ ઇન્સ્પેક્ટરશ્રી એચ.જી.મારૂ, તથા એસ.ઓ.જી. ટીમને અમરેલી જીલ્લામાં કેફી પદાર્થોનું ગેરકાયદેસર રીતે વેંચાણ કરતા તથા નાસતા-ફરતા ઈસમોને ઝડપી પાડી યુવાઘનને બરબાદીનાં રસ્તે જતા અટકાવવા જરૂરી સુચનાં અને માર્ગદર્શન આપેલ હોય, જે અનુસંધાને અમરેલી સીટી પોલીસ સ્ટેશન વિસ્તારમાં એ.ટી.એસ. ચાર્ટર લગત પેટ્રોલીંગમાં હતા. દરમિયાન ખાનગી બાતમીરાહે હકિકત મળેલ કે, અમરેલી સીટી પો.સ્ટે.માં દાખલ કરવામાં આવેલ ગુ.ર.નં.-૧૧૧૯૩૦૦૩૨૩૦૧૯૨/૨૦૨૩ એન.ડી.પી.એસ.એકટ કલમ-૨૦(૨)(૨-બી),૨૯ મુજબના ગુનાંના કામે તપાસ દરમિયાન ખુલવા પામેલ ઈસમ અમરેલી બહારપરા વિસ્તાર, ચાંદની ચોક, ચૌહાણ પાનના ગલ્લાની પાસે આંટા-ફેરા મારતો હોય, તેવી ચોક્કસ અને આધારભુત બાતમી હકિકત અન્વયે સદરહું જગ્યાએ તપાસ કરતા એક ઈસમને ઝડપી પાડવામાં સફળતા મળેલ છે.
પકડાયેલ આરોપી ઃ-
(૧) ઇજાર ઉર્ફે ઇજુ ઉર્ફે એજુ ઉર્ફે ભુરો અમીનભાઇ બીલખીયા, ઉ.વ.૨૦, ધંધો-રીક્ષા ડ્રાઇવીંગ રહે.અમરેલી, બટાર વાડી, શ્યામ બેકરી વાળી ગલી, ભારત મીલની સામે, ‘KGN’ તા.જી.અમરેલી.
મજકુર પકડાયેલ ઈસમની પુછપરછ દરમિયાન અમરેલી સીટી પો.સ્ટે.ગુ.ર.નં.-૧૧૧૯૩૦૦૩૨૩૦૧૯૨/૨૦૨૩ એન.ડી.પી.એસ.એકટ કલમ-૨૦(૨)(૨-બી),૨૯ મુજબના ગુનાંના કામે પકડાયેલ મહિલા આરોપી જેતુનબેન ઉર્ફે નજુબેન વા/ઓ અબુશા ઓઠા, રહે.અમરેલીવાળીને માદક પદાર્થ ગાંજાનો જથ્થો આપેલ હતો. મજકુર પકડાયેલ ઈસમને વઘુ તપાસ અર્થે અમરેલી સીટી પોલીસ સ્ટેશન ખાતે સોંપી આપવામાં આવેલ છે.
આ કામગીરી અમરેલી પોલીસ અધિક્ષકશ્રી હિમકર સિંહ નાઓની સુચનાં અને માર્ગદર્શન હેઠળ એસ.ઓ.જી. પોલીસ ઈન્સ્પેક્ટરશ્રી એસ.જી.દેસાઇ, તથા એસ.ઓ.જી. પોલીસ સબ ઇન્સ્પેક્ટરશ્રી એચ.જી.મારૂ, તથા એસ.ઓ.જી.ટીમનાં એ.એસ.આઇ. સંજયભાઇ પરમાર, તથા યુવરાજસિંહ સરવૈયા, તથા હેડ કોન્સ., મનિષદાન ગઢવી, તથા પો.કોન્સ., જીજ્ઞેશભાઇ પોપટાણી તથા જનકભાઇ કુવાડીયા, દ્વારા કરવામાં આવેલ છે.
*રીપોર્ટર ભાવેશ વાઘેલા અમરેલી*
