સાવરકુંડલા
(બિપીન પાંધી દ્વારા)
ગ્લોબલ વોર્મિંગના યુગમાં બદલાતી હવામાનની પેટર્નમાં વાતાવરણમાં અચાનક પલટો આવવાની સંભાવના પણ નિર્માણ પામી શકે. ભારે પવન કે વરસાદને કારણે પણ ક્યારેક કોઈ દુર્ઘટના ન સર્જાય તેની તકેદારીના ભાગરુપે તેનું યોગ્ય સમારકામ તંત્ર દ્વારા યુધ્ધના હાથ ધરવામાં આવે એવું આ રસ્તા પરથી પસાર થતા લોકો ઈચ્છી રહ્યા છે.
———————————————————————
સાવરકુંડલા શહેરમાં આવેલ હાથસણી રોડ પર આવેલ વીજપોલ નમી ગયો. આ વીજ પોલ છેલ્લા ત્રણ ચાર દિવસથી ઈજાગ્રસ્ત હોય તેવી હાલતમાં નમેલો જોવા મળે છે. એક તો હાથસણી રોડ એટલે ભરચક ટ્રાફિકથી ધમધમતો રોડ એમાં આ અંદાજિત પિસ્તાલીશ ડિગ્રી ઝૂકેલો વીજપોલ. આ રોડ પર આવતાં જતાં વાહનો વચ્ચે આ થાંભલો ઝૂકીને સલામ કરતો હોય તેવું લાગે છે.!! હાલ વર્તમાન સમયમાં આ ગ્લોબલ વોર્મિંગના યુગમાં ક્યારેક ભારે પવન પણ ફૂંકાય શકે છે. આવા સમયે આ વીજપોલ ઝૂકેલો હોવાથી નીચે રસ્તા પર પડવાની સંભાવનાને નકારી શકાય નહીં. સલંગ્ન તંત્ર દ્વારા આ થાંભલાને ફરી પાછો મૂળ સ્થિતિમાં નેવું અંશે ટટ્ટાર ઊભો રહે તેવી કાર્યવાહી કરવી જરૂરી છે તેવું આ થાંભલા પાસેથી પસાર થતાં લોકો બોલી રહ્યા છે.. કોઈ દુર્ઘટના સર્જાઈ એ પહેલાં તાકીદે આ વીજપોલનું સમારકામ કરવું જરૂરી છે એવું લોકમુખે ચર્ચાઈ રહ્યું છે. અગમચેતીના ભાગ રૂપે પણ સાવરકુંડલા શહેરનાં આ હાથસણી રોડ પર આવેલા નમેલા વીજપોલનું તાકીદે યોગ્ય સમારકામ થાય તેવું આમજનતા ઈચ્છે છે..