છોટાઉદેપુર ખાતે જિલ્લા કક્ષાનું પુસ્તકાલય શરૂ કરવા બાબતે મોટી સંખ્યામાં વિદ્યાર્થીઓ તેમજ વિદ્યાર્થીનીઓ દ્વારા ભાજપ કાર્યાલય ખાતે છોટાઉદેપુર વિધાનસભાના ધારાસભ્ય રાજેન્દ્રસિંહ રાઠવાને આવેદનપત્ર આપવામાં આવ્યું હતું સ્પર્ધાત્મક પરીક્ષાના યુગમાં ગામડાઓના ગરીબ શાળા કોલેજોના આદિવાસી વિદ્યાર્થીઓ પણ શહેરના વિદ્યાર્થીઓ સાથે ખભે થી ખભો મિલાવીને સ્પર્ધાત્મક પરીક્ષાની તૈયારી કરી રહ્યા છે પરંતુ છોટાઉદેપુર જિલ્લો બન્યા નવ વર્ષ ઉપરનો સમય થવા આવ્યો છતાં આજ દિન સુધી જિલ્લામાં પુસ્તકાલય ફાળવવામાં આવેલ નથી, જિલ્લામાં પુસ્તકાલયના અભાવે સ્પર્ધાત્મક પરીક્ષાની તૈયારી કરતા વિદ્યાર્થીઓ વાંચવા માટે અગવડતા પડી રહી છે આવનાર સમયમાં સરકારની વિવિધ પદો પર ભરતી કરવા જઈ રહી છે ત્યારે છોટાઉદેપુર જિલ્લાના વિદ્યાર્થીઓ પણ પોલીસ વિભાગ પંચાયત વિભાગ જુનિયર ક્લાર્ક તલાટી વગેરે જેવી સ્પર્ધાત્મક પરીક્ષાઓની તૈયારી કરી રહ્યા છે ત્યારે આવી સ્પર્ધાત્મક પરીક્ષાઓની તૈયારી સુચારુ રૂપે કરી સફળતા મેળવી શકે તે માટે આવનાર સમયમાં લાઇબ્રેરી હોવી જરૂરી છે વિદ્યાર્થીઓ તેમજ વિદ્યાર્થીનીઓ દ્વારા જિલ્લા કક્ષાનું પુસ્તકાલય શરૂ કરવા બાબતે છોટાઉદેપુર વિધાનસભાના ધારાસભ્ય રાજેન્દ્રસિંહ રાઠવાને રજુઆત કરવામાં આવી હતી.
રિપોર્ટર રેહાન પટેલ છોટાઉદેપુર
