છોટાઉદેપુર જિલ્લાના અસ્તિત્વને નવ વર્ષ ઉપરાંત નો સમય થયો હોવા છતાં હજુ પણ જિલ્લા કક્ષાની કેટલીક ઓફિસોમાં અરજદારોને પ્રાથમિક સુવિધા પૂરી પાડવામાં તંત્ર નિષ્ફળ નીકળ્યું હોવાની ફરિયાદો જોવા મળી રહી છે છોટાઉદેપુર પોસ્ટ ઓફિસ ખાતે શરૂ કરવામાં આવેલ પાસપોર્ટ ઓફિસમાં પ્રાથમિક સુવિધા ના અભાવના કારણે અરજદારો તંત્ર સામે રોશ ઠાલવી રહ્યા છે પોસ્ટ ઓફિસની પાછળના ભાગે માત્ર એક રૂમમાં શરૂ કરવામાં આવેલ પાસપોર્ટ ઓફિસ ખાતે પાસપોર્ટના કામે આવતા અરજદારોને સૌચાલય, પીવાના પાણી. બેસવાની વ્યવસ્થા ન હોવાથી દૂર દૂરથી આવતા અરજદારો ખૂબ જ મુશ્કેલીનો સામનો કરી રહ્યા છે પાસપોર્ટ ઓફિસ માત્ર એક રૂમની હોવાથી અરજદારો ઓફિસની બહાર આકરા તાપમા લાઈનોમાં ઊભા રહી હાલાકી ભોગવી રહ્યા છે સ્થાનિક કક્ષાએ રજૂઆત કરતા તેઓ દ્વારા આ બાબતે વડી કચેરીએ રજૂઆત કરવા જણાવ્યું હતું તંત્ર દ્વારા વહેલી તકે છોટાઉદેપુર ખાતે પાસપોર્ટ માટે તમામ સુવિધાઓથી સજ્જ પાસપોર્ટ ઓફિસની વ્યવસ્થા કરે તેવી લોક માંગ પ્રબળ બની છે.
રિપોર્ટર રેહાન પટેલ છોટાઉદેપુર
