તમાકુ નિયંત્રણ જિલ્લાએન્ફોર્સમેન્ટ સ્વોર્ડ ડ્રાઇવ અંતર્ગત ૧૬ કેસમાં રુ.૨,૧૦૦નો દંડ વસૂલવામાં આવ્યો
—
અમરેલી, તા.૧૦ ફેબ્રુઆરી, ૨૩ (શુક્રવાર) તમાકુ નિયંત્રણ એન્ફોર્સમેન્ટ સ્વોર્ડ ડ્રાઇવ અંતર્ગત અમરેલી શહેરમાં સ્ટેશન રોડ, કોલેજ સર્કલ, એસ.ટી. ડેપો, નાગનાથ બસ સ્ટેન્ડ તથા રાજકમલ ચોક, લાઠી રોડ બાયપાસ સહિતના વિસ્તારોમાં તમાકુ નિયંત્રણ અધિનિયમ – ૨૦૦૩ (COTPA-2003) કાયદાની અમલવારી અંતર્ગત વિવિધ કાર્યવાહી હાથ ધરવામાં આવી હતી. જિલ્લા તમાકુ નિયંત્રણ સેલ – આરોગ્ય શાખા, પોલીસ વિભાગ, પ્રાથમિક તથા માધ્યમિક શિક્ષણ વિભાગ, એસ.ટી. વિભાગ, ફૂડ એન્ડ ડ્રગ્સ વિભાગ દ્વારા COTPA-2003 ની કલમ- ૪ હેઠળ કુલ ૭ કેસ, કલમ- ૬(અ) હેઠળ કુલ ૯ કેસ સહિત કુલ ૧૬ કેસ કરી રુ.૨,૧૦૦ નો દંડ વસૂલવામાં આવ્યો હતો, અમરેલી જિલ્લા તમાકુ નિયંત્રણ સેલ – આરોગ્ય શાખાની એક યાદીમાં જણાવવામાં આવ્યું છે.
દિવ્યા ૦૦૦
