સૌરાષ્ટ્રની ૨૦૦ થી વધુ સહકારી મંડળીઓને ITએ નોટિસ ફટકારી

રાજકોટ
રાજકોટની ૫૦ સહિત સૌરાષ્ટ્રની ૨૦૦ થી વધુ મંડળીઓને ઇન્કમટેક્સ વિભાગે નોટિસ ફટકારી છે. રિટર્ન ન ભરવા તેમજ વધુ માત્રામાં રોકડ વ્યવહારો સહિતના વ્યવહારોને લઈ કાર્યવાહી કરાઇ છે. ઇન્કમટેક્સ વિભાગ દ્વારા નોટિસો ફટકારવામાં આવતા સહકારી જગતમાં ખળભળાટ મચ્યો છે. નાના થાપણદારોની ડિપોઝિટના નામે કરોડોના વ્યવહારો ધ્યાને આવતા ઇન્કમટેક્સ વિભાગ દ્વારા તવાઈ બોલાવવામાં આવી છે. જુદી જુદી કલમો હેઠળ શરાફી ઉપરાંત ખેતી સહકારી મંડળીઓને પણ નોટિસ આપવામાં આવી. રાજકોટના ગ્રામ્ય વિસ્તારમાં પણ મંડળીઓને નોટિસ મળતા ખળભળાટ મચ્યો છે. રિટર્ન ન ભરવા તેમજ વધુ માત્રામાં રોકડ વ્યવહારો સહિતના વ્યવહારો સામે આવ્યા હતા જેને લઈ કાર્યવાહી કરવામાં આવી છે.